Антыкрызіснымі кіраўнікамі забароняць працаваць тым, хто судзіўся па палітычных артыкулах
Міністэрства эканомікі прапанавала змяніць закон, які тычыцца антыкрызісных кіраўнікоў — людзей, што кіруюць прадпрыемствамі падчас іх банкруцтва. Паводле новага законапраекта, які вынесены на грамадскае абмеркаванне, такім кіраўнікам могуць забараніць працаваць, калі яны раней мелі палітычныя адміністрацыйныя парушэнні.
Мэта гэтых зменаў — дапускаць да працы толькі тых спецыялістаў, якія, паводле прадстаўнікоў ўлады, лаяльныя да дзяржавы і падтрымліваюць наяўны ў краіне лад.
Таксама ў дакуменце прапісваецца, што атрымаць дазвол на працу антыкрызісным кіраўніком нельга будзе, калі чалавек пад судом, пад следствам або калі раней прыцягваўся да адказнасці па артыкулах, звязаных з удзелам у масавых мерапрыемствах або распаўсюдам «экстрэмісцкіх» матэрыялаў.
Грамадскае абмеркаванне прапанаваных правак працягнецца да 23 мая.
Мінпрацы канкрэтызуе спіс прафесій, на якія можна будзе браць на працу непаўналетніх
«Взвейтесь кострами» ў іншай форме вярнулася ў школы». Што цяпер адбываецца ў беларускай адукацыі?
Збіраюцца скараціць спіс работ, забароненых для жанчын
«Азначэнне Беларусі як выпаленай зямлі мне не падабаецца». Маналог беларуса, які нядаўна выехаў з краіны
Каментары
Кстати, ябатьки намного быстрее дорезают, как нормально работающее, так и на стадии банкротств. Ябатьки не имеют тормозов в воровстве и взяточничестве, как и профнавыков.