Следчы камітэт завяршыў расследаванне крымінальнай справы аб прысваенні буйной сумы грошай у адным з гродзенскіх банкаў.
Як паведаміла прэс-служба Следчага камітэіа, 26-гадовая супрацоўніца аднаго з банкаў Гродна, якая адказвала за абмен валют, прысвоіла больш за 43 тысяч рублёў, выкарыстоўваючы розніцу курсаў і падробленыя чэкі.
Дзяўчына прымала наяўныя ў кліентаў, але не адразу праводзіла аперацыю ў сістэме. Замест гэтага яна чакала змены курсу, а розніцу пераводзіла сабе. Каб схаваць махінацыі, яна друкавала чэкі з агульнай базы, ствараючы бачнасць легальнай аперацыі.
Падазрэнні ўзніклі, калі кіраўніцтва заўважыла неадпаведнасці ў аперацыях. Пасля праверкі з пералікам грошай і аналізу запісаў відэаназірання крадзеж пацвердзіўся.
На допыце дзяўчына прызналася, што хацела «жыць прыгожа» — грошы ішлі на кавярні, кіно і дастаўку ежы.
У выніку ёй было выстаўлена абвінавачванне па частцы 4 артыкула 211 (прысваенне даручанай маёмасці ў асабліва буйным памеры) Крымінальнага кодэкса Беларусі, якое прадугледжвае максімальнае пакаранне да 10 гадоў пазбаўлення волі.
Дзяўчына раней не прыцягвалася да крымінальнай адказнасці, на працы характарызавалася станоўча, а шкода ад яе дзеянняў была цалкам кампенсаваная.
Адзначаецца, што банк пасля гэтага выпадку зрабіў больш строгім валютны кантроль: цяпер спецыяліст можа паўторна раздрукаваць толькі чэк па апошняй праведзенай ім аперацыі.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»
Каментары