Прэзідэнт Украіны Уладзімір Зяленскі правёў першую тэлефонную размову з новым Папам Львом XIV. Пра гэта паведаміў у панядзелак сам Зяленскі.
Паводле яго слоў, абмяркоўвалася тэма спынення агню ва Украіне, вызвалення палонных і вяртання ўкраінскіх дзяцей. Зяленскі таксама запрасіў пантыфіка наведаць Украіну.
«Гэта была наша першая размова, але ўжо вельмі цёплая і сапраўды прадметная», — напісаў Зяленскі. Ён адзначыў, што цэніць словы Льва XIV «пра неабходнасць дасягнення справядлівага і трывалага міру для нашай краіны і вызвалення палонных».
У размове з Папам Зяленскі пацвердзіў гатоўнасць Украіны да перамоваў «у любым фармаце, у прыватнасці да прамых перамоваў» з Расіяй, а таксама паведаміў, што з 12 мая Украіна і яе партнёры падтрымалі поўнае спыненне агню на 30 дзён — на што Расія не пагадзілася.
Зяленскі пасля расійскага ўварвання ва Украіну неаднаразова размаўляў з папам Францішкам, высока ацэньваў яго гуманітарныя намаганні і словы ў падтрымку Украіны. У той жа час ва Украіне Францішку даводзілася чуць і крытыку з-за таго, што ён наўпрост не называў Расію агрэсарам і не крытыкаваў расійскае кіраўніцтва, нагадвае расійская служба Радыё Свабода.
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары