Свет66

Стармер і Макрон адхіляюць патрабаванне Пуціна спыніць вайсковую дапамогу Украіне для 30-дзённага спынення агню

ЗША, Вялікабрытанія, Францыя, Украіна і партнёры адзіныя ў прапанове, што 30-дзённае спыненне агню павінна быць безагаворачным і безумоўным, таму нейкія патрабаванні Расіі непрымальныя, а адмова ад такой прапановы павінна мець вынікам узмацненне строгасці санкцый, заявілі прэм'ер-міністр Вялікабрытаніі Кір Стармер і прэзідэнт Францыі Эмануэль Макрон. Пра гэта паведамляе «Інтэрфакс-Украіна».

Злева направа: прэм'ер-міністр Польшчы Дональд Туск, прэзідэнт Францыі Эмануэль Макрон, прэм'ер-міністр Вялікабрытаніі Кір Стармер і федэральны канцлер Фрыдрых Мерц. Кіеў, 10 мая 2025 года. Фота: AP Photo/Evgeniy Maloletka

«За апошнія некалькі гадзін Пуцін выставіў умовы спынення агню. А мы падкрэсліваем безумоўнае спыненне агню. Мы не прымаем любыя прапановы дадатковых умоў», — заявіў прэм'ер Вялікабрытаніі на сустрэчы «Кааліцыі ахвотных» у Кіеве ў суботу, якая афлайн і анлайн сабрала прадстаўнікоў больш за 30 краін.

«Гаворка ідзе пра безумоўнае спыненне агню на зямлі, у моры, у небе. Гэта павінна быць спыненне агню з магчымасцю падаўжэння, з магчымасцю маніторынгу, з магчымасцю развядзення сіл навокал лініі кантролю. З дапамогай усіх, хто хоча далучыцца да кааліцыі, гэта будзе рабіцца», — адзначыў прэзідэнт Францыі.

Па яго словах, гэта вельмі важна, каб папярэдзіць магчымыя парушэнні.

«Мы абсалютна не прымаем любую магчымасць любых саступак. Мы падкрэсліваем: ніякіх папярэдніх умоў па спыненні паставак зброі або нейкіх іншых момантаў. Мы павінны быць выразнымі: калі Расія не пагодзіцца, яна сутыкнецца з наступствамі дадатковых санкцый і ўзмацнення падтрымкі Украіны», — падкрэсліў Макрон.

Кір Стармер нагадаў, што Украіна пагадзілася на гэтую прапанову 30-дзённага спынення агню яшчэ два месяцы таму, калі з ёй выйшлі ЗША. Па словах Эмануэля Макрона, новы пакет санкцый гатовы, а ў выпадку адмовы Расіі або парушэння перамір'я ў наступныя дні будзе весціся падрыхтоўка да яго ўжывання разам з ЗША.

«Прэзідэнт Трамп зрабіў вельмі шмат важных крокаў у апошнія дні для ўзмацнення і каардынацыі такой працы. І мы гатовыя выставіць гэты пакет санкцый у выпадку любога парушэння, спынення агню», — падкрэсліў Макрон.

Ён таксама дадаў, што падтрымка Узброеных сіл Украіны захаваецца, таму што магутная ўкраінская армія — гэта найлепшая гарантыя бяспекі, таму трэба будзе забяспечыць належнае фінансаванне пакетаў дапамогі.

«І трэці момант — працяглы мір патрабуе сапраўды міжнародных гарантый бяспекі. Менавіта таму мы ўмацоўваем нашу кааліцыю, рыхтуем да прапаноў па фармаванні кантынгенту. Гэтая праца з партнёрамі ідзе штодня, і хачу падзякаваць нашай вайсковай камандзе за яе штодзённую працу па планаванні. Хачу падзякаваць ёй за супрацоўніцтва ў рамках НАТА для падрыхтоўкі тых сіл, таго кантынгенту, які будзе аказваць дапамогу ўкраінскай арміі ў падтрыманні міру», — таксама заявіў прэзідэнт Францыі.

Каментары6

  • Правільна роблять
    10.05.2025
    Макрон і Страмер чотка і ясна сказалі. Ніякіх умоў з адезьвух бакоў. Прыпынення вагню. Калі не хочаце прыпынять вагонь - будуць наступствы.
    • Žvir
      10.05.2025
      Правільна роблять, pytaņnie toļki, čamu ich dasiuļ niama, tych nastupstvaū?.. I, u takim razie, ci josc` jany ūvohulie ?
      Vynikaje, što mieli ryčahi ūplyvu na Rasieju, alie ničoha nie rabili, čakali 3 hady... Peūna vieļmi mir u jeūropie ich chvaliavaū, i chvaliuje, aha...
      • З 12 чысла..
        10.05.2025
        Пачынае дзейнічаць безумоўнае перамір'е на зямлі ў небе і на моры на 30 дзён. Калі Расея не пойдзе на гэтае перамір'е мы павінны пабачыць наступствы працягам некалькі тыдняў.

Цяпер чытаюць

Беларус з ізраільскага Бат-Яма паказаў сваё жыллё пасля ўдару іранскіх ракет8

Беларус з ізраільскага Бат-Яма паказаў сваё жыллё пасля ўдару іранскіх ракет

Усе навіны →
Усе навіны

Частка іранскіх ракет ізноў прабіла «Жалезны шчыт» Ізраіля, адзін гмах разбураны дашчэнту5

На фоне вайсковага парада Трампа ў Вашынгтоне па ўсёй Амерыцы прайшлі пратэсты1

Патрыярх Кірыл драматычна расказаў, як натаўцы адправілі насустрач яму грозны знішчальнік F-165

Трамп прагразіў Ірану атакай «на ўзроўні, які ніколі раней не бачылі», калі той нападзе на ЗША2

Ці сапраўды ў Турцыі сёлета паўпустыя пляжы?

Пентагон павіншаваў амерыканцаў з Днём Сцяга выявай расійскага флага4

«Мы так і па Мінску пройдземся». У Варшаве адбыўся вялікі гей-прайд, было шмат бел-чырвона-белых сцягоў ФОТЫ30

Беларускі святар растлумачыў, ці можна дзецям гуляць з шалёна папулярнымі монстрыкамі лабубу8

Што будзе, калі не касіць траву, вышэйшую за 20 сантыметраў?3

больш чытаных навін
больш лайканых навін

Беларус з ізраільскага Бат-Яма паказаў сваё жыллё пасля ўдару іранскіх ракет8

Беларус з ізраільскага Бат-Яма паказаў сваё жыллё пасля ўдару іранскіх ракет

Галоўнае
Усе навіны →

Заўвага:

 

 

 

 

Закрыць Паведаміць