Пра вызваленне актывіста Аб'яднанай грамадзянскай партыі Андруся Асмалоўскага паведамілі ў сацсетках ягоныя сябры. Ён цалкам адбыў увесь прысуджаныя яму трохгадовы тэрмін.
Андруся Асмалоўскага затрымалі 29 ліпеня 2022 года, калі праводзілі мэтанакіраваныя рэпрэсіі супраць сяброў Аб'яднанай грамадзянскай партыі. На яго, як і на іншых затрыманых тады, завялі крымінальную справу па «народным» 342-м артыкуле (актыўны удзел у групавых дзеяннях, якія груба парушаюць грамадскі парадак).
У кастрычніку 2022 года Асмалоўскаму прысудзілі тры гады пазбаўлення волі ва ўмовах агульнага рэжыму.
Акрамя яго, тады за кратамі апынуліся лідар АГП Мікалай Казлоў, старшыня Мінскай гарадской арганізацыі Аксана Аляксеева, сябры партыі Антаніна Кавалёва і Артур Смалякоў і іншыя. Была арыштаваная і асуджаная таксама грамадзянская жонка Андруся Асмалоўскага Дзіяна Чарнушына, якая вызвалілася год таму.
Андрусь мае двух сыноў, па адукацыі — інжынер-будаўнік. Працаваў па спецыяльнасці, займаючыся архітэктурным праектаваннем як індывідуальны прадпрымальнік.
У 2019 годзе Асмалоўскі вылучаўся ад АГП у дэпутаты Палаты прадстаўнікоў Нацыянальнага сходу сёмага склікання — ад Коласаўскай акругі №106, афіцыйна прайграўшы першаму прарэктару БДУІР Сяргею Дзіку.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі25
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю1010
Каментары