У Вялікабрытаніі на аўкцыёне прадалі рэдкі ліст, напісаны на борце «Тытаніка» ўсяго за некалькі дзён да яго крушэння. Аўтар — амерыканскі бізнэсмен і пісьменнік Арчыбальд Грэйсi, піша Bild.
Ліст, датаваны 10 красавіка 1912 года, пайшоў з малатка за рэкордную суму — каля 350 000 еўра.
«Гэта адзін з самых каштоўных лістоў такога кшталту, якія нам вядомыя», — заявілі ў аўкцыённым доме Henry Aldridge & Son.
Грэйсі, пасажыр першага класа, напісаў сябру ў Англіі: «Гэта прыгожы карабель, але я пачакаю канца падарожжа, перш чым выкажу сваё меркаванне пра яго». Ён апісвае раскошу лайнера і забавы на борце.
Ужо на наступны дзень, 11 красавіка, ліст быў адпраўлены з ірландскага порта Квінстаўн — гэта быў апошні прыпынак перад Атлантыкай. Усяго праз тры дні, у ноч на 15 красавіка, лайнер сутыкнуўся з айсбергам і затануў, забраўшы жыцці амаль 1500 чалавек.
Грэйсі дапамагаў пасажырам сесці ў выратавальныя шлюпкі, але ў нейкі момант яго змыла за борт. Ён здолеў даплысці да перакуленай шлюпкі і чатыры гадзіны правёў у ледзяной вадзе, перш чым яго выратавалі. Ён аказаўся ў ліку 712 тых, хто выжыў.
Пасля выратавання Арчыбальд Грэйсі напісаў кнігу The Truth about the Titanic («Праўда пра Тытаніка»), якая стала бестсэлерам. Але сам ён так і не акрыяў ні фізічна, ні маральна: праз усяго восем месяцаў пасля катастрофы, 4 снежня 1912 года, ён памёр у Нью-Ёрку ад ускладненняў, выкліканых дыябетам і пераахаладжэннем.
«Тытанік» на дне акіяна паступова разбураецца. Колькі ён яшчэ вытрымае?
«Калі даведаўся, што выбухнула, адчуў палёгку». Сведка трагедыі падлодкі «Тытан» — пра страх за зніклых і лжывую надзею
Брытанскі акцёр Бернард Хіл — капітан «Тытаніка» — памёр ва ўзросце 79 гадоў
Аўстралійскі мільярдэр пабудуе копію «Тытаніка», якая пойдзе тым жа маршрутам
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары