У вялікай сям’і Бруцкіх ёсць цэлых 11 ордэнаў Маці. І калі б у Беларусі ўручалі ордэн «Пачэснага дзядулі», кіраўнік сям’і — Андрэй Бруцкі — дакладна змог бы на яго прэтэндаваць. У мужчыны 15 дзяцей, 92 ўнукі і 33 праўнукі. Наймалодшаму члену сям’і — паўгода. З пенсіянерам пагутарыў obzoor.by.
Жыве 84-гадовы Андрэй Данілавіч у Столінскім раёне ў аграгарадку Белавуша. Ён дагэтуль працуе на сваім уласным млыне — ужо каля 20 гадоў.
Амаль ва ўсіх яго дзяцей таксама вельмі вялікія сем’і: толькі ў дваіх — па двое дзяцей, у астатніх — ад 4 да 11. Большасць жывуць у Столінскім раёне.
У адным класе ў школе часта вучацца па трое-чацвёра стрыечных братоў і сясцёр. А быў перыяд, калі цётка вучылася разам з пляменніцай.
Жонка Андрэя Данілавіча памерла 11 гадоў таму. Ён і цяпер узгадвае: калі ў жонкі здарыўся інсульт, побач з ёй у бальніцы кругласутачна дзяжурылі па два прадстаўнікі сям’і. У бальніцы ўвесь персанал здзіўляўся такой клапатлівасці.
— Як вы святкуеце дні народзінаў, калі столькі блізкіх сваякоў?
— Дні народзінаў мы не святкуем. Ні я, ні жонка, ніхто не святкаваў. У нас гэта не прынята. А для падарунка не абавязкова чакаць дня народзінаў — у любы час можна.
На пытанне, ці паўтараюцца ў сям’і імёны, мужчына распавядае, што так. Напрыклад, у кожным пакаленні абавязкова ёсць Андрэй Данілавіч або Данііл Андрэевіч.
Цяпер чытаюць
20-гадовая дзяўчына з Брэста запісала жартаўлівы тыкток пра смерць у ДТЗ — і ў той жа вечар разбілася2
Каментары