На ўсіх рэках Беларусі адбываецца рост узроўню вады веснавой паводкі. Аб гэтым паведаміла сёння журналістам начальнік аддзела гідралагічных прагнозаў Рэспубліканскага гідраметэацэнтра Марына Нагібіна.
Сутачная інтэнсіўнасць яе складае ў асноўным ад 1 да 98 см, найбольшая (115-255 см) адзначаецца каля Верхнядзвінска на Заходняй Дзвіне, яе прытоку Дзісне каля г.п.Шаркаўшчына і на Віліі каля вёскі Міхалішкі. На рэках басейна Прыпяці на тэрыторыі Беларусі ўзровень вады павышаецца з інтэнсіўнасцю 1-24 см за суткі, а на яе правабярэжных прытоках на тэрыторыі Украіны - да 63 см.
За мінулыя трое сутак пачаўся крыгалом на Нёмане, Віліі, Прыпяці каля моста Любанскага, Гарынь каля вёскі Малыя Вікаравічы, Друць (прыток Дняпра), Проня (прыток Сожа). Рэкі Піна і Ясельда (прытокі Прыпяці) ачысціліся ад лёду.
На ўсім працягу Заходняй Дзвіны, Дняпра, Бярэзіны і Сожа назіраецца ледастаў, месцамі з палонкамі, разводдзямі і закраінамі. Паўсюдна з'явілася вада на лёдзе, лед пацямнеў. Таўшчыня ледзянога покрыва складае на рэках басейнаў Заходняй Дзвіны 37-64 см, Дняпра - 40-43 см, Бярэзіны - 34-41 см, Сожа - 23-43 см. На Мінскім моры, Вілейскім вадасховішчы і возеры Нарач назіраецца суцэльнае ледзяное покрыва таўшчынёй 50-64 см.
На большасці рэк вада выйшла на пойму. На Прыпяці каля моста Любанскага і каля вёскі Чэрнічы, на Свіслачы (прыток Бярэзіны) узроўні вады перасягнулі небяспечна высокія адзнакі на 1-6 см, пры якіх начынаецца падтапленне прыбярэжных населеных пунктаў і сельгасугоддзяў.
Як паведаміла Марына Нагібіна, у далейшым павышэнне ўзроўню вады на рэках будзе прадаўжацца, разлівы рэк павялічацца. У сувязі з гэтым будуць назірацца падтапленні рачнымі водамі на пойменных участках рэк і затапленні прыбярэжных тэрыторый уздоўж рэк Дзісна каля гарадскога пасёлка Шаркаўшчына, Нёман каля горада Стоўбцы, Прыпяць каля горада Петрыкава і яе прытокаў Ясельда, Случ, Пціч, прытоку Заходняга Буга Мухавец каля г.Брэст
Цяпер чытаюць
На «Гродна Азоце» скончыў жыццё самагубствам намеснік начальніка цэха1
На «Гродна Азоце» скончыў жыццё самагубствам намеснік начальніка цэха
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары