У Віцебскай вобласці затрымалі за ноч 11 чалавек за крадзеж каўбасы — яе выкідвалі праз акно
Аператыўнікі АБЭП пры сілавой падтрымцы АМАП затрымалі 11 жыхароў аднаго з раёнаў Віцебшчыны, паведамляе прэс-служба МУС.
Паведамляецца, што група ва ўзросце ад 17 да 59 гадоў здзейсніла крадзеж з мясаперапрацоўчага прадпрыемства.
46-гадовы майстар цэха арганізаваў злачынную схему сумесна са сваім былым 40-гадовым падначаленым. Да крымінальнага дуэта далучыліся работнікі прадпрыемства і сваякі. Падчас змены, парушаючы тэхналагічны працэс, кіраўнік ствараў лішкі прадукцыі і складзіраваў іх у вентыляцыйнае акно, якое выходзіла на вуліцу.
Усяго за адну ноч зламыснікі вывезлі сотні кілаграмаў мясных вырабаў. Скрадзенае падзялілі паміж сабой.
Следчымі заведзена крымінальная справа за крадзеж са злоўжываннем службовымі паўнамоцтвамі, здзейснены групай асоб па папярэдняй змове.
Цяпер чытаюць
Выгнаў жонку зімой на вуліцу, забраў малую дачку: дэталі разводу касманаўта Алега Навіцкага, які, здаецца, цяпер ажаніўся з Васілеўскай23
Каментары