Туркменістан гатовы экспартаваць прыродны газ у еўрапейскія краіны, заявіў Гурбангулы Бердымухамедаў — былы прэзідэнт краіны і цяперашні старшыня Халк Маслахаты (Народнай рады).
Гурбангулы Бердымухамедаў быў прэзідэнтам Туркменістана з 2006 па 2022 год, а потым перадаў уладу сыну Сердару. Носіць званне Аркадаг (Заступнік)
У інтэрв'ю тэлеканалу Euronews, расшыфроўку якога апублікавала дзяржаўнае агенцтва «Залаты век», ён падкрэсліў стратэгічную важнасць супрацоўніцтва з Еўропай у сферы энергарэсурсаў.
Бердымухамедаў адзначыў, што еўрапейскі рынак з'яўляецца адным з найбуйнейшых у свеце, а партнёрства Ашхабада з ЕС прынясе выгаду абодвум бакам.
Паводле яго слоў, Туркменістан адкрыты да актыўнага ўзаемадзеяння з еўрапейскімі партнёрамі па пытаннях паставак газу.
Адным з магчымых варыянтаў экспарту ён назваў Транскаспійскі маршрут.
Каментары