Лукашэнка забараніў Снапкову лаяцца матам на міністраў і біць іх па галаве
Пераназначаючы Мікалая Снапкова на пасаду віцэ-прэм'ера, Аляксандр Лукашэнка расказаў яму, як варта працаваць з «дзецьмі прэзідэнта».
Лукашэнка забараніў Снапкову крычаць на міністраў. Гэтую выключную прэрагатыву ён пакінуў сабе.
«Каб вы не забывалі, што гэта — «дзеці прэзідэнта», прызначаныя прэзідэнтам. Таму біць па галаве іх нельга, матам лаяцца на іх нельга, і нават крычаць на іх нельга. Толькі калі за межамі кабінета, па-мужчынску. Вось такі падыход павінен быць», — заявіў Лукашэнка.
Ён адзначыў, што Снапкоў у яго — «як бяльмо на воку», паколькі яны часта перасякаюцца па працы.
«У вас паўнамоцтвы, самастойнасць вялікая. Вас вельмі добра характарызуюць, з кім бы я не размаўляў. Вы за час працы ва ўрадзе сталі ну зусім іншым чалавекам. Таму я вельмі спадзяюся на вас у новым старым урадзе», — адзначыў Лукашэнка.
Лукашэнка сёння пераназваў большасць міністраў. Мікалай Снапкоў захаваў пасаду першага віцэ-прэм'ера, яшчэ адным намеснікам кіраўніка ўрада стаў Уладзімір Каранік. Пры гэтым хто ўзначаліць урад, пакуль невядома.
-
Яна прыняла іслам, а ён палюбіў дранікі. У Магілёве пабраліся шлюбам беларуска і пакістанец
-
У Гомелі жанчыну выселілі з інтэрната проста на вуліцу. Яна маці двух дзяцей, але гэта ў залік не пайшло
-
Пайшоў у банкруцтва рэстаран, які належаў сям'і Зінгмана. Даўгоў больш чым на мільён даляраў, а маёмасці на 389 рублёў
Каментары