У Нямеччыне пачаліся датэрміновыя выбары ў Бундэстаг, якія прывядуць да змены ўлады
У Германіі праходзяць датэрміновыя парламенцкія выбары. Урад ідзе ў адстаўку на шэсць месяцаў раней за запланаваны тэрмін пасля таго, як Бундэстаг вынес вотум недаверу канцлеру Олафу Шольцу, а да гэтага распалася правячая кааліцыя.
Перамогу на выбарах прагназуюць кансерватыўнаму саюзу ХДС/ХСС, а затым яго лідар Фрыдрых Мерц мае найлепшыя шанцы стаць наступным канцлерам Германіі, піша «Еўрапейская праўда».
Чакаецца, што ўльтраправая «Альтэрнатыва для Германіі» дасягне свайго найлепшага выніку і зойме другое месца.
Перамога ХДС/ХСС не дазволіць блоку самастойна сфарміраваць урад, таму яму давядзецца шукаць партнёраў для кааліцыі. Імі могуць стаць сацыял-дэмакраты ці «зялёныя» — ці і тыя, і другія ў залежнасці ад вынікаў выбараў.
Чакаецца, што кааліцыйныя перамовы будуць складанымі пасля кампаніі, якая выявіла вострыя рознагалоссі адносна міграцыі і таго, як перамагчы сілу ўльтраправых у краіне.
Гэта можа прывесці да таго, што канцлер Олаф Шольц будзе выконваць абавязкі кіраўніка ўрада яшчэ некалькі месяцаў.
Выбары 23 лютага былі абвешчаныя пасля развалу кааліцыі Шольца, якая складалася з ягоных сацыял-дэмакратаў, «Зялёных» і ліберальных свабодных дэмакратаў.
Партыя Шольца СДПГ чакае на гэтых выбарах найгоршага выніку з часоў Другой сусветнай вайны.
Цяпер чытаюць
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца4
Каментары
Ужо Пуцінская і Трампаўская Альтэрнатыва, на плошчы іх называюць націшвайнэ, а мо нат Зянонаўская? - дакладна разьбярэцца зь мігрантамі, якіх сюды Пуцін сваімі войнамі нагнаў.
Дарэчы немцы зусім іньшую думку маюць пра рэзаньне на плошчах. Таму будзе табе Юберрашунг сеньня ўвечары.
Адпішамся русіш.