Сітуацыя з рухам транспарту ў цэнтры Мінска палепшае цягам месяца — Гардарбуд
У Мінску працягваецца рамонт моста паміж праспектам Незалежнасці і вуліцай Маскоўскай. Рух па аб'екце быў закрыты 8 лютага, што выклікала пэўныя цяжкасці ў гарадскім трафіку. Раніцай затрымка ў руху грамадскага транспарту ў тым раёне складае 20 хвілін.
Аднак, па словах дырэктара ГП «Гардарбуд» Сяргея Панева, сітуацыя знаходзіцца пад кантролем і на працягу месяца чакаецца яе паляпшэнне, паведамляе БелТА.
«Заторы, безумоўна, ёсць, але яны не крытычныя для функцыянавання гарадскіх службаў. У гадзіны пік — раніцай і ўвечары, вядома, рух ускладняецца, але ДАІ працягвае працаваць над рэгуляваннем транспартных патокаў. На працягу максімум месяца мы чакаем стабілізацыі сітуацыі, увойдзем у нармальны рэжым працы», — адзначыў Панеў.
Паводле яго слоў, гараджане адаптуюцца да зменаў, выбіраючы альтэрнатыўныя маршруты і выкарыстоўваючы розныя сістэмы інфармавання пра заторы, уключаючы Мінтранс, Яндэкс.Навігатар і тэлеграм-каналы ДАІ. «Мы пастаянна маніторым усю сістэму пасажырапатоку, у выпадку неабходнасці будуць прымяняцца карэктуючыя меры», — растлумачыў Сяргей Панеў.
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары