Журналіста Ігара Ільяша абвінавачваюць па двух крымінальных артыкулах
Стала вядома, што Ігара Ільяша абвінавачваюць у «дыскрэдытацыі Беларусі» (арт. 369-1 КК) і «садзейнічанні экстрэмісцкай дзейнасці» (ч. 2 арт. 361-4 КК). Ягоную справу пачнуць разглядаць ужо 21 лютага ў Мінскім гарадскім судзе. Працэс будзе весці суддзя Сяргей Кацар, піша «Вясна».
Пра затрыманне Ігара Ільяша стала вядома 22 кастрычніка. Праўладныя тэлеграм-каналы пісалі, што Ільяш займаўся «садзейнічаннем экстрэмісцкім фармаванням» — даваў інтэрв'ю незалежным СМІ, а таксама нібыта «займаўся зборам інфармацыі для замежных разведак» — даваў каментары ўкраінскім выданням.
Жонка Ігара Ільяша — палітзняволеная журналістка Кацярына Андрэева (Бахвалава). Яна была затрыманая 15 лістапада 2020 года падчас вядзення стрыму для «Белсата» з «Плошчы Перамен» у Мінску і з таго часу на волю не выйшла. Спачатку яе асудзілі на 2 гады зняволення за «арганізацыю дзеянняў, якія груба парушаюць грамадскі парадак», але незадоўга да заканчэння тэрміну правялі новы суд за «здраду дзяржаве» і прысудзілі яшчэ 8 гадоў і 3 месяцы.
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос22
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5151
Каментары