Вольныя Купалаўцы праводзяць у Варшаве тыдзень тэатра і паказваюць свае знакавыя спектаклі
Вольныя Купалаўцы праводзяць у Варшаве тыдзень тэатра і паказваюць свае знакавыя спектаклі, піша Reform.news.
Монаспектакль Зоі Белахвосцік «Moj Hleb» распавядае аб станаўленні Нацыянальнага тэатра імя Янкі Купалы з 1920 года. Гэта шчыры аповед пра асабісты жыццёвы шлях, пра гісторыю тэатральнай дынастыі, пра падзеі ў Беларусі, якія жорстка адбіваліся на лёсе Купалаўскага тэатра і Купалаўцаў. Рэжысер: Аляксандр Гарцуеў.
«Гусі-людзі-лебедзі» Аляксандра Гарцуева — гэта спектакль-антыўтопія, створаны паводле адной з частках вядомага раману Альгерда Бахарэвіча «Сабакі Эўропы». З гэтага спектакля вымалёўваецца нярадасная карціна: татальная дэградацыя, крах культуры, маралі і тэхналогій, і гучыць скразны матыў беларускай беспрытульнасці і бяздомнасці ў свеце. Быць беларусам — гэта ня мець свайго месца ў сьвеце. Або інакш: быць беларусам — гэта ўсюды адчуваць сябе чужым, іншым. Магчыма, што і Чужаніцай, і Іншым.
«Экстрэмісты» — спектакль Аляксандра Гарцуева паводле п’есы Юліі Цімафеевай, заснаванай на гісторыі музыкаў гурта Irdorath. Узброеныя барабанамі, гітарамі і бубнамі, яны выйшлі на вуліцу і спявалі пра перамены, што ніяк не адбудуцца. За гэта на сваёй радзіме яны былі абвешчаны экстрэмістамі.
Спектакль «Зэкамерон» рэжысера Войцэха Урбаньскага звязаў шэраг апавяданняў са зборніка Максіма Знака ў адзіную імпрэзу. Гэта гісторыя пра тое, што адбываецца за кратамі ў Беларусі, у якіх умовах жывуць палітвязьні, як пачуваецца чалавек у турме, якія людзі яго атачаюць, як адбываецца камунікацыя паміж усімі гэтымі людзьмі, як гэта ўплывае на кожнага з іх і, нарэшце, як палітвязню ўдаецца заставацца чалавекам. Музыка і песні на словы Максіма сталі базавым злучальным элементам.
Спектаклі ідуць на беларускай мове з польскімі субцітрамі.
Месца: Scena Przodownik Teatru Dramatycznego, Olesińska 21.
Квіткі і падрабязная інфармацыя тут.
Тыдзень тэатра пройдзе ў тым ліку дзякуючы народнай падтрымцы — сродкам, якія атрымалі Купалаўцы праз магчымасць беларусаў у Польшчы накіраваць свае 1,5% падаткаў пэўнай арганізацыі.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца7
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары