Нямецкі Бундэстаг адхіліў законапраект аб пастрожанні міграцыйнага заканадаўства
Парламент Германіі большасцю галасоў адхіліў законапраект аб узмацненні строгасці міграцыйнай палітыкі ў краіне, піша Deutsche Welle.
Супраць законапраекта прагаласавалі 349 парламентарыяў, 338 — падтрымалі.
Законапраект быў ініцыяваны лідарам партыі Хрысціянска-дэмакратычны саюз (ХДС), кандыдатам у федэральныя канцлеры Германіі Фрыдрыхам Мерцам. Мерц выступіў з ініцыятывай узмацнення строгасці міграцыйнай палітыкі пасля нажавой атакі ў баварскім Ашафенбургу, ахвярай якога сталі два чалавекі.
Вынесеная на галасаванне ініцыятыва прадугледжвала, што федэральная паліцыя зможа высылаць іншаземцаў, якіх улады Германіі абавязалі пакінуць краіну. Таксама ў планах была адмена механізму ўз'яднання сем'яў з асобамі, якія маюць статус субсідыярнай абароны.
Акрамя дэпутатаў апазіцыйнага блока ХДС/ХСС праект падтрымалі члены Свабоднай дэмакратычнай партыі (СвДП) і крайне правай партыі «Альтэрнатыва для Германіі». У той жа час сацыял-дэмакраты і «Саюз-90»/«Зялёныя» не падтрымалі падобныя абмежаванні, паколькі яны, на іх думку, фактычна адмяняюць права на прытулак, гарантаванае асноўным законам Германіі.
Напярэдадні Бундэстаг падтрымаў праект рэзалюцыі блока ХДС/ХСС, які, у прыватнасці, уключаў увядзенне пастаяннага памежнага кантролю, магчымасць адмовы просьбітам прытулку проста на мяжы і затрыманне іншаземцаў, якім загадана пакінуць краіну. Але гэтая рэзалюцыя не з'яўляецца абавязковай да выканання.
Юрась Зянковіч расказаў пра сваё вызваленне і шлях у ЗША6
Каментары
Объясните мне почему полиция не может высылать если власти обязали покинуть страну?