Аб'ём гандлю Беларусі з Еўрапейскім саюзам складае каля $8 млрд. Пра гэта міністр замежных спраў Беларусі Максім Рыжанкоў заявіў у інтэрв'ю выданню «Известия».
«Нягледзячы на ўсе санкцыі, каля $8 млрд — гэта сума нашага гандлю з Еўрапейскім саюзам. І самае цікавае, што ў гэтай суме большасць пазіцый належыць тым дзяржавам, якія стаяць ля вытокаў крытыкі Беларусі і разгортваюць антыбеларускую рыторыку ў Еўрапейскім саюзе. То-бок яны там заклікаюць да санкцый, заяўляючы пра нелегітымнасць нашай улады, а пад шумок працягваюць гандляваць. Вы фармуеце пазіцыю ЕС, прымушаеце некаторыя дзяржавы, якія лічацца лакаматывамі ЕС, спыняць пэўнае ўзаемадзеянне, а што ж самі робіце?» — адзначыў Максім Рыжанкоў.
Паводле яго слоў, у еўрапейскіх краін ёсць цікавасць да гандлёва-эканамічнага супрацоўніцтва. Прычым многія краіны ядра старой Еўропы праяўляюць да яго ўсё большы і большы інтарэс.
Так за 2023 год агульны аб'ём экспарту тавараў і паслуг склаў $47,87 млрд, а імпарту — $47,3893 млрд.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі
Каментары