Кандыдат у прэзідэнты ад камуністаў заклікае забраць і падзяліць маёмасць апазіцыянераў
Першы сакратар ЦК праўладнай Камуністычнай партыі Беларусі Сяргей Сыранкоў, які цяпер якраз балатуецца ў якасці спарынг-партнёра Лукашэнкі на прэзідэнцкіх выбарах, у каментары выданню Tochka.by выступіў з «ястрабінай» пазіцыяй у дачыненні да палізняволеных і праціўнікаў дзейнай улады за мяжой.
Паводле слоў Сыранкова, ягоная партыя «разумее міласэрнасць прэзідэнта, але выступае за асцярожнасць» у працэсе памілаванняў адносна палітзняволеных, якіх за апошнія гады было некалькі хваляў, а пра апошнюю адносна 20 чалавек паведамілі сёння.
«Зразумела, што спатыкнуцца мог кожны, але ў КПБ маецца вялікі скептыцызм у шчырасці раскаяння памілаваных асоб. Маецца мноства фактаў, калі асобы, асуджаныя за экстрэмізм, якія выйшлі з турмаў, пасля выязджалі за мяжу і далучаліся да экстрэмісцкіх арганізацый», — заявіў Сыранкоў.
Палітычная эміграцыя атрымала ад яго не менш рэзкую ацэнку:
«У палітычным плане яны марыянеткі замежных спецслужбаў і здраднікі. Таму ні пра які ўплыў марыянетак не можа ісці і гаворкі. Яны з'яўляюцца «палітычнымі трупамі», адчужанымі ад беларускага народа».
А калі так, то лідар марыянеткавых камуністаў заклікае канфіскаваць у апанентаў улады ўсю маёмасць і раздаць яе «шматдзетным сем'ям, якія маюць патрэбу».
Апублікаваныя дэкларацыі кандыдатаў у прэзідэнты. Колькі ў Лукашэнкі, а колькі ў астатніх?
Кандыдатамі ў прэзідэнты зарэгістравалі Лукашэнку і ўсіх чатырох яго спарынг-партнёраў
Камуніст Сыранкоў пахваліўся, што сабраў 170 тысяч подпісаў
Беларусаў прымушаюць падпісвацца не толькі за Лукашэнку, але і яго спарынг-партнёраў на выбарах
Камуніст Сыранкоў усімі сіламі даказвае сваю фіктыўнасць: пахваліўся, што паставіў подпіс за Лукашэнку
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома12
Каментары