Кіраўнічая рада і Усеагульны сход саўладальнікаў Еўрапейскага гуманітарнага ўніверсітэта паведамілі пра абранне доктара Вілюса Шадаўскаса рэктарам ЕГУ тэрмінам на пяць гадоў.
Ён атрымаў ступень доктара адукацыі ва Універсітэце Вітаўта Вялікага і ступень бакалаўра і магістра гісторыі ў Літоўскім універсітэце педагагічных навук. Выбраны ў працэсе конкурснага пошуку сярод трынаццаці кандыдатаў з пяці краін, спадар Вілюс афіцыйна прыступіць да выканання абавязкаў рэктара 6 студзеня 2025 года.
Вілюс далучыўся да ЕГУ ў 2018 годзе і хутка дасягнуў вышэйшых кіраўнічых пасадаў: перад тым як стаць выканаўцам абавязкаў рэктара ў сакавіку 2024 года, ён працаваў кіраўніком аддзела стратэгічнага планавання і канцлерам.
Кіраўнічыя органы ЕГУ абралі спадара Вілюса, зыходзячы з яго адпаведнасці патрабаванням да пасады рэктара, яго добрай працы ў якасці выканаўца абавязкаў рэктара, яго перспектыўнага бачання будучыні ЕГУ і доўгай адданасці ўстанове, гаворыцца ў паведамленні ўніверсітэта.
Адзначаецца, што спадар Вілюс заступае на пасаду рэктара ў час надзвычайных выклікаў і імклівых зменаў ва ўніверсітэце і ў рэгіёне. Атрымаўшы сёлета акрэдытацыю на сем год, вышэйшае кіраўніцтва ўстановы засяродзіць увагу на павелічэнні набору, павышэнні навукова-даследчага патэнцыялу, пашырэнні спектру праграм і ўмацаванні фінансаў універсітэта.
-
У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет
-
У Беларусі за апошнія гады ліквідавалі 40 праваслаўных прыходаў
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал13
Каментары
Спецыяльнасць Бізнес-эканоміка:
Мовы навучання
Англійская, руская.
Чаму на мове акупантаў? Для каго кадры рыхтуе Летува? Для рускага бізнэса?