Беларуска збірала мужу ссабойкі, якімі захапляўся ўвесь тыкток — а ён кінуў яе ў гадавіну вяселля
Зусім нядаўна беларускі тыкток (і не толькі беларускі) захапляўся жыхаркай Смаргоні, якая рабіла мужу велізарныя ссабойкі. Праз год дзяўчына распавяла, што ён яе кінуў. Але, мяркуючы па ўсім, жыццё дзяўчыны на гэтым не спынілася — яе сталі клікаць у розныя ток-шоу, піша «Люстэрка».
«Хочаце раскажу, што мой муж падарыў мне на гадавіну вяселля? Такога падарунка нікому яшчэ не дарылі. Ён кінуў мяне. Так, вы мелі рацыю, мужчыну катлетамі не ўтрымаць. Рубрыка «найлепшая жонка на свеце» — пакуль», — распавяла дзяўчына.
Каментатары яе падтрымалі.
- «Ён не кінуў! Ён вызваліў месца для рэальна кахаючага вас мужчыны!»
- «Ну і пайшоў ён тады… Бывай, рубрыка «найлепшая жонка», добры дзень, новая рубрыка «жыццё пасля…»».
- «Адкрыйце новую рубрыку «найлепшая жанчына на свеце» … не хвалюйцеся, значыць, ён вас не варты»»
У наступных роліках дзяўчына распавяла, што яе сталі запрашаць у розныя ток-шоу, у тым ліку ў расійскае «Давай пажэнімся».
Аксана стала папулярнай год таму, калі пачала публікаваць відэа ссабоек, якія яна рабіла свайму мужу.
У рубрыцы «што мой муж будзе есці заўтра на працы» жанчына апублікавала ў канцы лістапада мінулага года наступнае меню: на абед свайму мужу яна сабрала кашу рысавую з маслам і чатыры «свіныя катлеткі», «нашу любімую кіслую капусту», тры «бутэрбродзікі з каўбасой і сырам», кантэйнер з нарэзаным рулетам з грудзінкі з морквай і мясам унутры, а «на салодкае» — вафлі і яблык.
Праз два дні «найлепшая жонка на свеце» прыгатавала мужу яшчэ адзін «абед чэмпіёна»: кантэйнер бульбянога пюрэ з маслам і малаком, такую ж па памерах ёмістасць з тушанай свінінай з гароднінай у смятанным соусе, вядома ж, «любімую кіслую капусту», не менш любімыя «бутэрбродзікі» з маслам, сырам і каўбасой, яблык, ну, а на салодкае — упакоўка вафель і пакет цукерак на «пажаваць».
Цяпер чытаюць
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію7
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне7979
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне79
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
Каментары
Неделю назад там одна беларуска так рассказывала про своего молочного мужа, который отвалился, что приглашённые гости и весь зал просто умирали со смеху.