Цемнаскуры акцёр Паапа Эсіеду можа сыграць Северуса Снэйпа ў новым «Гары Потэры»
Тэлеканал HBO разглядае кандыдатуру брытанскага акцёра Паапа Эсіеду на адну з самых папулярных роляў на тэлебачанні ў гэтым годзе. Акцёр прэтэндуе на ролю прафесара Северуса Снэйпа (Златэус Злей у іншым перакладзе) у серыяле HBO «Гары Потэр», паведамілі the Hollywood Reporter шматлікія крыніцы.
Крыніцы паведамляюць, што акцёру была прапанаваная роля, хоць незразумела, ці пачаліся перамовы сур'ёзна.
У ранейшых фільмах Снэйпа граў ужо нябожчык Алан Рыкман.
Пакуль што афіцыйна не зацверджаны ніводны акцёр у серыяле пра Гары Потэра, прэм'ера якога запланавана на 2026 год, хоць акцёр «Шпіёнскага моста» Марк Райлэнс блізкі да таго, каб атрымаць галоўную ролю мудрага і магутнага дырэктара школы Альбуса Дамблдора.
Серыял досыць папулярны, каб спарадзіць некалькі чутак пра акцёраў, хоць тыя, якія прарочаць Кіліяна Мэрфі на ролю лорда Вальдэморта, не адпавядаюць рэчаіснасці.
Эсіеду пачаў сваю кар'еру ў Каралеўскай Шэкспіраўскай трупе, дзе сыграў загалоўныя ролі ў пастаноўках «Гамлета» і «Караля Ліра». З тых часоў у яго былі ролі ў фільмах «Забойства ва Усходнім экспрэсе» і «Мужчыны», а таксама ў тэлешоу «Банды Лондана», праекце «Лазар» і эпізодзе «Чорнага люстэрка».
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары
І надта кавэркаць вядомую гісторыю дзеля квоты, здаецца мярзотнай справай.