Пуцін прыгразіў ударыць «Арэшнікам» па «цэнтры прыняцця рашэнняў» у Кіеве
Расійскі прэзідэнт пракаментаваў масіраваны абстрэл Украіны, прадставіўшы яго як адказ на новыя ўдары па расійскай тэрыторыі амерыканскімі ракетамі ATACMS. Пуцін сказаў аб гэтым на саміце Арганізацыі Дамовы аб калектыўнай бяспецы ў Казахстане, піша Бі-бі-сі.
«Усяго было выкарыстана 100 сістэм, 100 ракет розных класаў, пра якія я толькі што гаварыў, і 466 удараў беспілотнікамі», — пералічыў расійскі прэзідэнт, удакладніўшы, што гэта лічбы за апошнія два дні.
Пуцін зноў расказаў, што новая расійская ракета, якую ён называе «Арэшнік», не мае аналагаў у свеце, і што цэлямі для новых удараў, у тым ліку і гэтымі ракетамі, могуць стаць «цэнтры прыняцця рашэнняў у Кіеве».
«Зараз Міністэрства абароны і Генеральны штаб расійскай арміі падбіраюць мэты для паражэння на тэрыторыі Украіны. Гэта могуць быць ваенныя аб’екты, прадпрыемствы абароннай прамысловасці ці цэнтры прыняцця рашэнняў у Кіеве», — сказаў ён.
«Вядома, на працяглыя ўдары па тэрыторыі Расіі ракетамі вялікай дальнасці заходняй вытворчасці, як ужо было сказана, мы будзем адказваць у тым ліку і магчымым працягам выпрабаванняў «Арэшніка» ў баявых умовах, як гэта было зроблена 21 лістапада», — падкрэсліў Пуцін.
Цяпер чытаюць
Колькасць ахвяр выбуху ў маскоўскім элітным рэстаране на юбілеі генерала, які камандаваў наступам на Кіеў з Беларусі ў 2022-м, вырасла да пяці чалавек33
Каментары
Он шел по сельской местности
К ближайшему "Орешнику"
Что б ....