Парадуйце сябе смакам бруснічнага чызкейка — дэсерту, у якім салодкасць бруснічнага джэму ідэальна спалучаецца з насычанасцю сметанковага сыру.
Бруснічны джэм можна купіць, а можна зварыць самім:
- 500 г замарожаных брусніц
- 175 мл вады
- 1,5 ст. л. кукурузнага крухмалу
- цукар па смаку
- карыца (пры жаданні)
- 35 мл чырвонага віна (пры жаданні)
Давядзіце брусніцы і ваду да кіпення. Дадайце цукар і карыцу. Дайце сумесі пакіпець 3 хвіліны. Зніміце каструлю з агню і разамніце брусніцы. Вярніце каструлю на агонь і дадайце чырвонае віно. Давядзіце да кіпення, затым паменшыце агонь да сярэдняга. Перамяшайце кукурузны крухмал з невялікай колькасцю вады і дадайце яго ў варэнне. Працягвайце памешваць, пакуль яно зноў не закіпіць. Пераліце варэнне ў слоік.
Для чызкейка:
- 200 г печыва
- 80 г масла
- 500 г сметанковага сыру
- 200 мл тлустых вяршкоў
- 100 г цукровай пудры
- 10 г жэлаціну ў пласцінах
- 240 мл бруснічнага варэння
Здрабніце печыва і растапіце і прысаліце масла. У вялікай місцы змяшайце іх. Змажце маслам раздымную форму дыяметрам 23 см. Выкладзіце сумесь з печыва і масла ў форму і ненадоўга пастаўце ў халадзільнік.
У асобнай місцы ўзбіце сметанковы сыр, вяршкі і цукровую пудру. Замачыце лісты жэлаціну ў халоднай вадзе на 5 хвілін. Пасля зліце ваду і дадайце дзве-тры сталовыя лыжкі гарачай вады, перамешвайце да поўнага растварэння. Змяшайце жэлацін з бруснічным варэннем, выліце ў сумесь сметанковага сыру і зноў перамяшайце.
Выліце сумесь у форму і раўнамерна размяркуйце. Пастаўце чызкейк у халадзільнік і дайце яму астыць не менш за 5 гадзін.
Дэкаруйце дадатковым бруснічным варэннем і атрымлівайце асалоду!
Цяпер чытаюць
Хлопца, які ў Лебедзевай хаяў Еўропу, асудзілі за ўдзел у пратэстах і ўхіленне ад войска4
Каментары