«Адна з найбуйнейшых паветраных атак». Расія выпусціла па Украіне 120 ракет і 90 дронаў
Па ўсёй краіне экстрана адключалі электрычнасць, у Адэсе ёсць праблемы з вадой.
Расійскія войскі раніцай выпусцілі па Украіне каля 120 ракет і 90 дронаў. Пра гэта паведаміў прэзідэнт Украіны Уладзімір Зяленскі.
Паводле яго слоў, сілы ППА знішчылі больш за 140 паветраных цэляў. Пры гэтым расіянам удалося пашкодзіць некалькі аб'ектаў энергетычнай інфраструктуры Украіны. У Кіеве і вобласці, а таксама ў Днепрапятроўскай, Данецкай, Чаркаскай, Кіраваградскай і Жытомірскай абласцях улады ўжылі экстраныя адключэнні электрычнасці.
У Адэсе часова не хадзіў электратранспарт, украінскія СМІ паведамляюць пра праблемы з вадой і ацяпленнем. У Мікалаеве, паводле апошніх даных, загінулі два чалавекі, яшчэ шэсць атрымалі раненні, у тым ліку двое дзяцей.
Кіраўнік МЗС Украіны Андрэй Сыбіга назваў нанесены войскамі РФ ўдар «адной з найбуйнейшых паветраных атак» ад пачатку поўнамаштабнага ўварвання. Расіяне выкарысталі ўсе віды крылатых ракет, а таксама розныя тыпы дронаў-камікадзэ.
Цяпер чытаюць
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце16
Каментары