Грамадства1414

Як каманда Ціханоўскай вяла перамовы з адміністрацыяй Вучыча

Рэжысёр Андрэй Гнёт, якога з Сербіі хацелі дэпартаваць у Беларусь, у канцы кастрычніка нарэшце змог пакінуць Сербію — праз год пасля затрыманні. Каб гэта атрымалася, дэмакратычныя сілы вялі перамовы ў тым ліку з адміністрацыяй прэзідэнта Сербіі Аляксандра Вучыча. Дарадца Ціханоўскай па пытаннях дыпламатыі Дзяніс Кучынскі расказаў «Нашай Ніве», як гэта выглядала.

Кароткая сустрэча Ціханоўская з Вучычам на палях саміту ў ліпені. Фота тут і далей: Офіс Ціханоўскай

Дзяніс Кучынскі апісвае, што, каб вызваліць Гнёта, працавалі адразу па некалькіх кірунках. Першы — юрыдычны (да справы падключыліся сербскія адвакаты, беларускія юрысты Ганна Маціеўская, Марыя Колесава-Гудзіліна, каманда юрыстаў Офіса Ціханоўскай — у прыватнасці Лявон Марозаў). Другі — міжнародна-палітычны (сустрэчы з партнёрамі беларускіх дэмсілаў з розных краін, каб прыцягнуць больш увагі да сітуацыі). Трэці — сербскі (праца непасрэдна з адміністрацыяй прэзідэнта Сербіі Аляксандра Вучыча).

Першы кантакт з Вучычам у Ціханоўскай быў у ліпені на саміце Еўрапейскай палітычнай супольнасці.

«І падчас гэтай сустрэчы прэзідэнт Сербіі даў ведаць, што ён сочыць за справай і шукае пэўнае вырашэнне», — кажа Кучынскі.

Другая важная сустрэча адбылася ў рамках Геасамблеі ААН у верасні. Каманда Ціханоўскай бачыла, што ў праграме ёсць супольныя вячэры, дзе будзе Вучыч. Загадзя даслалі камандзе Вучыча ліст. Наладзіць камунікацыю дапамог Алекс Сораса (сын мільярдэра і філантропа Джорджа Сораса) — ён падзяліўся блізкім кантактам у адміністрацыі Вучыча. «Другі чалавек у Сербіі», — апісвае той кантакт Кучынскі.

Ціханоўская з дарадцамі на сустрэчы з Алексам Сорасам

Аднак на вячэры сустрэцца не атрымалася. Тады Дзяніс Кучынскі застаўся ў Нью-Ёрку на прыём Сораса, каб пабачыцца з тым чалавекам.

«Тады я ўпершыню ад каманды Вучыча пачуў, што Гнёта не выдадуць рэжыму Лукашэнкі. І мы дамовіліся, што паспрабуем знайсці супольнае рашэнне», — згадвае Кучынскі.

Па яго словах, была інфармацыя, што Андрэя Гнёта могуць выпусціць раней, напачатку кастрычніка. Але ў выніку спатрэбілася больш часу.

Андрэй Гнёт пасля таго, як пакінуў Сербію. 31 кастрычніка 2024 года ён прыляцеў у ЕС. Фота: сацсеткі

«З таго, што сербскі бок абяцаў, усё так было і зроблена», — адзначыў Дзяніс Кучынскі.

Ён падсумоўвае: дыпламатыя працуе.

«Нават нягледзячы на адрозненні ў палітычных поглядах, якія, безумоўна, існуюць з Сербіяй, чалавечыя стасункі могуць ратаваць жыцці».

Учора Дзяніс зноў размаўляў з камандай Вучыча і падзякаваў ім за супрацу.

«Зразумела, што рэсурс Офісу абмежаваны, але каманда Ціханоўскай працягне і надалей дапамагаць беларусам. Мы сваіх не кідаем — кейс Гнёта гэта чарговы таму прыклад», — дадае Кучынскі. Ён згадвае, што раней Офіс падключаў свае кантакты, калі ў тайскую турму трапіў гурт Бі-2, а таксама калі беларусаў затрымлівалі ў Арменіі.

Каментары14

  • Фэйспалм
    04.11.2024
    А дастаткова было б падключыць проста аднаго НАРМАЛЬНАГА мясцовага адваката, каб закрыць пытанне хутка і без гэтай свістапляскі з бубнамі.
    Колькі ж рэсурсаў выкідваецца на вецер замест таго, каб сапраўды скіроўваць на беларускую справу!
  • Filipp
    04.11.2024
    Шмат прыгожых слоў, але Мы так і ня ведаем што стала прычынай магчымасці ад'езда Гнёта. Будзем чакаць яго слоў.
  • Піліп
    04.11.2024
    Filipp, запісвай хутчэй відэа скандуючы “ната”.

Цяпер чытаюць

Беларуска за свой кошт арганізавала свята ў роднай вёсцы, якая амаль вымерла. Прыехалі аднавяскоўцы нават з Еўрасаюза

Беларуска за свой кошт арганізавала свята ў роднай вёсцы, якая амаль вымерла. Прыехалі аднавяскоўцы нават з Еўрасаюза

Усе навіны →
Усе навіны

У Мінску купілі дом за 3 мільёны даляраў. Ён у тым раёне, дзе жыве Эйсмант1

Ці можна будаваць Беларусь па-за межамі Беларусі? Дыскутавалі Ягораў, Гарбацкі, Югася Каляда9

Крамы і пастаўшчыкоў будуць штрафаваць за адсутнасць гародніны1

У Беларусі зацвердзілі сакрэтныя будаўнічыя нормы12

Спявачку Мэрыем Герасіменка на працягу двух гадоў збіваў муж54

«Дарагія расейскамоўныя беларусы! Вы пакідаеце незамкнёнымі дзверы хаты, за якімі ўжо стаіць кодла бандытаў»208

У Фінляндыі затрымалі былога вагнераўца, які прасіў прытулку. Ён ваяваў у Бахмуце2

Былы форвард зборнай Беларусі Вячаслаў Глеб стаў бацькам1

Ігар Тур патраціў мінімум 30 тысяч на прэміяльную кухню ФОТА43

больш чытаных навін
больш лайканых навін

Беларуска за свой кошт арганізавала свята ў роднай вёсцы, якая амаль вымерла. Прыехалі аднавяскоўцы нават з Еўрасаюза

Беларуска за свой кошт арганізавала свята ў роднай вёсцы, якая амаль вымерла. Прыехалі аднавяскоўцы нават з Еўрасаюза

Галоўнае
Усе навіны →

Заўвага:

 

 

 

 

Закрыць Паведаміць