Васкрасенскі ўладкаваўся на выгадную пазіцыю ў загадкавую кампанію
Ён атрымаў пасаду намесніка дырэктара ТАА «Новая біятэхналагічная кампанія». Што пра гэтае прадпрыемства вядома?
Такія звесткі ўтрымліваюцца ва ўказе Аляксандра Лукашэнкі, якім ён надзяліў камісію па вяртанні пры Генеральнай пракуратуры новымі паўнамоцтвамі. Дакумент апублікаваны сёння на Нацыянальным прававым інтэрнэт-партале, звярнуў увагу Reform.news.
Указам не толькі пашыраны паўнамоцтвы камісіі, але і зменены яе склад, а таксама пасады ўдзельнікаў. Цяпер у камісію замест былога кіраўніка МЗС Алейніка ўключаны Максім Рыжанкоў, а замест Франскевіча дададзены Андрэй Самбук — намеснік кіраўніка КДК — дырэктар Дэпартамента фінансавых расследаванняў.
Раман Пратасевіч у складзе камісіі так і не з'явіўся.
Пасада Васкрасенскага таксама зменена на актуальную. Раней ён прадстаўляўся як дырэктар інфармацыйна-аналітычнай установы «Круглы стол дэмакратычных сіл».
ТАА «Новая біятэхналагічная кампанія», дзе цяпер працуе Васкрасенскі, не зусім простая кампанія. У яе ёсць ліцэнзіі на вытворчасць алкагольнай, нехарчовай спіртазмяшчальнай прадукцыі, нехарчовага этылавага спірту і тытунёвых вырабаў і на аптовы гандаль ды захоўванне алкагольнай, нехарчовай спіртазмяшчальнай прадукцыі, нехарчовага этылавага спірту і тытунёвых вырабаў.
У апісанні ліцэнзіі гаворыцца, што прадпрыемства мае права выпускаць шкламой, а таксама віскавыя і каньячныя дыстыляты.
Кампанію зарэгістравалі ў ліпені 2021 года. Цяпер ёй валодаюць Дзмітрый Саханчук (45%), Васіль Варфаламееў (22,5%) і Міхаіл Стаянаў (22,5%). Стаянаў таксама пазначаны як дырэктар фірмы.
Быў у складзе заснавальнікаў з 12 студзеня 2022 года і Андрэй Карповіч (10%), але 20 чэрвеня 2024 года яго долю выкупіла сама ТАА «Новая біятэхналагічная кампанія».
Андрэй Карповіч вядомы пад мянушкай «Руды» — гэта правая рука Дзмітрыя Лукашэнкі па «Прэзідэнцкім спартыўным клубе». Мае рэпутацыю «рашалы». Якраз з яго прыходам ТАА атрымала ліцэнзіі.
Дырэктар Міхаіл Стаянаў (альбо яго поўны цёзка) вядомы як чэпкі бізнэсмэн. У свой час ён умацаваў свае перагаворныя пазіцыі дзякуючы сумна вядомаму Дзмітрыю Паўлічэнку, якому дапамагаў, у тым ліку і ў справе медцэнтра «Сёмае неба».
Яшчэ адзін уласнік — Варфаламееў (Ворфоломеев па-руску) Васіль Васільевіч — гэта, магчыма, саўладальнік «Гіпа» (імя амаль цалкам супадае, саўладальнік сеткі крам — Варфоломеев па-руску). Паведамлялася, што яго нібыта арыштавалі ў лютым 2024 года, пратрымалі ў СІЗА да мая, а затым адпусцілі.
Менш за ўсё інфармацыі пра Дзмітрыя Саханчука — яго поўны цёзка быў з 2013 года (і, магчыма, застаецца) камерцыйным дырэктарам ТАА «Грынойл».
Цяпер чытаюць
«Гэта была жывая камера сачэння». Што рабіла віцяблянка Кацярына, каб вызваліцца праз 5 гадоў замест прысуджаных 12 гадоў7
Каментары
Імаверна, што гэткім чынам рэжым і разлічваўся з Васкрасенскім за ягоныя палітычная паслугі.
Да Васкрасенскага па падобных схемах рэжым разлічваўся з Гайдукевічам-старэйшым, фірмам якога напрыканцы 90х рэжым дазволіў удзельнічаць у праграме ААН "Нафта ўзамен на харчаванне" у датычэнні падсанкцыйнага Іраку часоў панавання Садама Хусэйна. Незалежныя раследвальнікі выкрылі тады шмат злаўжыванняў у межах той праграмы, калі ўзамен на кваціраваны экспарт іракскай нафты Хусэйн атрымліваў ня толькі гуманітарныя тавары, але і зброю.
Імаверна, што часткай прыбытка ад гэтай схемы рэжым і разлічваўся з Васкрасенскім за ягоныя палітычная паслугі.
Да Васкрасенскага па падобных схемах рэжым разлічваўся з Гайдукевічам-старэйшым, фірмам якога напрыканцы 90х рэжым дазволіў удзельнічаць у праграме ААН "Нафта ўзамен на харчаванне" у датычэнні падсанкцыйнага Іраку часоў панавання Садама Хусэйна. Незалежныя раследвальнікі выкрылі тады шмат злаўжыванняў у межах той праграмы, калі ўзамен на кваціраваны экспарт іракскай нафты Хусэйн атрымліваў ня толькі гуманітарныя тавары, але і зброю.