У Мінску плануецца значнае пашырэнне сеткі веласцежак: да канца бягучага года будзе арганізавана звыш 21 км новых участкаў. Пра гэта паведаміў начальнік Галоўнага ўпраўлення спорту і турызму Мінгарвыканкама Максім Варапай на пасяджэнні гарадской камісіі па забеспячэнні бяспекі дарожнага руху, пішуць «Мінск-Навіны».
З агульнай колькасці веласцежак пасля гэтага 27 км будуць магістральнымі, 2,1 км — на праезнай частцы, а звыш 264 км — адасобленымі і сумешчанымі.
Варапай таксама адзначыў, што ў рамках плана па ўладкаванні веласіпедных сцежак на 2025-2030 гады ў Мінску павінна быць створана да 380 км асноўных веласіпедных шляхоў.
Сярод запланаваных работ — будаўніцтва веласцежкі працягласцю 1190 м і шырынёй 2,5—3 м уздоўж бульвара на вуліцы Гамарніка, а таксама веласцежкі даўжынёй 19 км уздоўж канала Сляпянскай воднай сістэмы.
Акрамя таго, у план уключаныя ўчасткі для арганізацыі веласцежак на тратуарах у розных раёнах горада.
Абследаванне вуліц для ўладкавання новых веласцежак завершыцца да 1 лютага 2025 года, пасля чаго будуць вызначаныя месцы і тэрміны рэалізацыі праекта.
Цяпер чытаюць
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў1
Каментары
Самі чыталі, што пераклалі? Я разумею, што Мінск-Навіны пішуць лухту, ну а Наша Ніва гэта іх падраздзяленне ці як?