Экс-кандыдатку ў прэзідэнты Таццяну Караткевіч пасадзілі на 15 сутак
Фармальнай зачэпкай стала «забароненае» фота, якое вісела ў яе сацсетках з 2020 года.
Кандыдатку ў прэзідэнты — 2015 Таццяну Караткевіч асудзілі па адміністратыўным палітычным пратаколе. Пра гэта паведамілі «Нашай Ніве» сябры палітыка. Па іх словах, яна атрымала 15 сутак. Фармальнай прычынай стала тое, што ў сацсетках Караткевіч знайшлі нейкае «забароненае» фота з 2020 года.
Адметна, што да суда яе не затрымлівалі, адпусцілі дадому пасля складання пратаколу. Аднак у судзе далі не штраф, а 15 сутак.
У 2015 годзе Караткевіч удзельнічала ў выбарах прэзідэнта як лідарка руху «Гавары праўду». Іншых дэмакратычных кандыдатаў не было, таму шмат хто з апанентаў Аляксандра Лукашэнкі галасаваў за яе. Па ацэнках назіральнікаў, у Мінску яна набірала каля 20-30% галасоў. Тым не менш на відавочна сфальсіфікаваных выбарах ёй намалявалі ўсяго 4,44% і паставілі на другое месца ўслед за Лукашэнкам.
У 2020 годзе Караткевіч узначаліла ініцыятыўную групу кандыдата Андрэя Дзмітрыева.
Пасля выбараў і пратэстаў адышла ад палітычнай дзейнасці, займалася сацыяльнай дапамогай людзям з інваліднасцю.
Цяпер чытаюць
Хто прадаў кватэру ў «Маяку Мінска» зніклай Мельнікавай? Такога чалавека не існуе14
Каментары
Цікава, ці спадарыню Караткевічыху выпусьцяць.