Два новыя для Беларусі віды грыбоў выявілі навукоўцы ў Брэсце. Вясёлка Адрыяна і баравік залацісты да гэтага моманту толькі зрэдку сустракаліся ў нашых лясах, у адзінкавых экзэмплярах.
Сёлета вясёлка ў вялікай колькасці пачала расці ў абласным цэнтры проста на гарадскіх газонах. Варта адзначыць, грыб лічыцца рэдкім і ў суседніх краінах (Польшчы і Латвіі) занесены ў Чырвоную кнігу, расказалі на СТБ.
Незвычайны феномен адзначаецца і па баравіку залацістым, нядаўняму «прышэльцу» ў палескую прыроду. Апошні раз яго сустракалі каля 10 гадоў таму. З'яўленне грыба ў гарадскім квартале — першы выпадак у гісторыі. Такія анамаліі навукоўцы тлумачаць змяненнем клімату і старанна вывучаюць.
«У выніку цеплавой хвалі і адначасова перыядычных ліўневых ападкаў з'явіліся ў нашай гарадской ўжо прыродзе адносна новыя віды грыбоў для краіны ў цэлым. Баравік залацісты расце ў нашым параўнальна невялікім тэрарыуме і адразу ў вялікай колькасці. Гэта ядомы грыб, цікавы, ён уяўляе цікавасць для грыбнікоў», — расказаў Віктар Дзямянчык, загадчык лабараторыі аптымізацыі экасістэм Палескага аграрна-экалагічнага інстытута НАН Беларусі.
Акрамя таго, у Брэсце адзначаюць з'яўленне і ўжо вядомых грыбоў, але ў анамальна вялікіх колькасцях: трутавік лускаваты і сарна-жоўты. Апошні з іх адносіцца да ядомых.
-
«Пакой маньяка»: Анатоль Васэрман паказаў свой кабінет з калекцыяй эратычных календароў і порна
-
Сляды на старажытных зубах істотна адсунулі пачатак гісторыі ўжывання людзьмі наркатычных рэчываў
-
Шампанскае спякотнага сезона 2026 года мацней ударыць у галаву. Францыя ўпершыню павышае дапушчальны градус напою
Цяпер чытаюць
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну55
Каментары