Вылупілася кволае, але вельмі мілае птушаня.
У сафары-парку Сан-Дыега два прыёмныя таты-фламінга выседзелі яйка і цяпер сумесна выкормліваюць птушаня, паведамляе Расійская служба Радыё Свабода.
Спецыялісты падклалі ў гняздо двух фламінга, якім ужо больш за сорак гадоў, аплодненае яйка — пасля таго, як яны паспяхова прайшлі тэст з муляжом яйка ў пачатку гэтага года.
«Пара адпрацавала свае бацькоўскія абавязкі, чаргуючы абавязкі па выседжванні», — распавёў парк у Instagram. У выніку ў фламінга вылупілася птушаня, якога таты выкормліваюць «птушыным малаком» з валляка.
«Карміць птушаня такім чынам могуць і самцы, і самкі», — паведамілі ў сафары-парку, адзначыўшы, што выступаць у ролі карміцеляў могуць таксама прыёмныя бацькі.
Фламінга з Сан-Дыега далучыліся да іншых аднаполых пар птушак, якія паспяхова вырасцілі дзіцянят. Раней птушанятка вывелі два самцы фламінга ў брытанскім Пейнтане, два самцы грыфонаў у Амстэрдаме і два самцы пінгвінаў у Нью-Ёрку.
Цяпер чытаюць
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў17
Брэндавая сумачка за $4 тысячы і брыльянты. Віцэ-міс Беларусі Алія Кароткая схадзіла з сяброўкай паесці дранікаў
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны66
Каментары