Мінчанка спрабавала купіць лекі па фальшывым рэцэпце і атрымала 11 гадоў строгага рэжыму
Гэтая жанчына ўжо была на ўліку ў доктара-нарколага і раней тройчы судзімая.
У сталіцы 39-гадовая жанчына вырашыла хітра абыйсці сістэму і набыць лекі па падробленым рэцэпце, але замест запаветных прэпаратаў атрымала вялікі турэмны тэрмін — 11 гадоў і 1 месяц калоніі строгага рэжыму.
Як паведамляюць «Мінск-Навіны», гэтая жанчына ўжо была на ўліку ў доктара-нарколага і раней тройчы судзімая, у тым ліку за абарот забароненых рэчываў і выкарыстанне падробленых дакументаў. На гэты раз яна вырашыла паспрабаваць падмануць правізараў: па радзе знаёмага расстаралася чысты рэцэптурны бланк, запоўніла яго і адправілася ў аптэку.
Аднак фармацэўт, западозрыўшы нядобрае, папрасіла жанчыну пачакаць і выклікала міліцыю. Неўзабаве яе затрымалі, а затым распачалі крымінальную справу за выкарыстанне загадзя падробленага дакумента.
Суд улічыў усе папярэднія злачынствы асуджанай і вынес суровы вердыкт: 11 гадоў калоніі строгага рэжыму, а таксама штраф у 12 000 рублёў. Акрамя таго, жанчыну абавязалі прайсці прымусовае лячэнне ад наркаманіі.
Цяпер чытаюць
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»40
Каментары
Ці, там дзе залежнасьць ня выпрацаваная, караць праз атрыманьне асалоды.
Вы ж, спадару Ботаме, ў хваравітым памкненьні выкрываць мяне ў нечым (пра што мне пацешна чытаць) стаеце нейкае трасцы на бок карнікаў. Вядома, ў камэнтарох гэта марнаслоўства і кепікі, але пільнуйцеся, каб і ў сапраўдным жыцьці ня апынуцца на баку катаў бязьвінных ахвяраў.