На тэрыторыі аўстрыйскай федэральнай зямлі Ціроль адбылося буйное ДТЗ з загараннем грузавіка, якім кіраваў грамадзянін Беларусі. Пра гэта паведамляе сайт «Беларусы і свет» са спасылкай на мясцовую паліцыю.
Аварыя здарылася ў чацвер 22 жніўня каля 20:10 вечара на развязцы каля камуны Крамзах.
Выязджаючы на аўтастраду А12 па закругленай пад'язной дарозе, 19-гадовы аўстрыец на лёгкім матацыкле ўпаў каля самага ўезду на магістраль. Хлопец застаўся ляжаць на месцы, а ягоны транспартны сродак быў выкінуты на трасу проста пад колы фуры з 55-гадовым беларусам за рулём.
Кіроўца ўжо не паспяваў аб'ехаць перашкоду, наехаў на яе і працягваў рухацца яшчэ прыкладна 50 метраў, пакуль не спыніўся на паласе разгону.
Тым часам байк загарэўся, агонь перакінуўся спачатку на цягач, а затым на паўпрычэп і груз, які перавозіўся ў ім.
Матацыкліста, які атрымаў траўмы нявызначанай ступені цяжкасці, павезлі на хуткай дапамозе ў клініку горада Швац. Кіроўца аўтацягніка не пацярпеў.
Ратавальнікі, якія прыбылі на месца, патушылі пажар. Матацыкл і цягач выгарэлі цалкам, паўпрычэп — часткова. З вялікагруза выцекла вялікая колькасць тэхнічнай вадкасці.
Цягам прыкладна 4 гадзін на час ліквідацыі наступстваў здарэння і эвакуацыі пацярпелых транспартных сродкаў аўтастрада А12 была зачынена. Рух перанакіравалі ў аб'езд.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2020
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі20
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары