Пра смерць Марыны Чыкіткінай паведаміў тэлеграм-канал «АЧК-Беларусь».
У Марыны Чыкіткінай выявілі анкалогію на глебе стрэсу праз паўгода пасля затрымання сыноў.
«Яна змагалася з хваробай і працягвала клапаціцца пра хлопцаў — пастаянны кантакт з адвакатамі, суд, перадачы ў СІЗА і ў калоніі, паездкі на спатканні, лісты і званкі, скаргі на ўмовы ўтрымання», — піша «АЧК-Беларусь».
Апошні раз на спатканнях з сынамі яна была гэтай вясной, да апошняга чакала іх дахаты.
«Але моцны стрэс, у тым ліку і ад праведзенага ператрусу і допыту ў перыяд масавых затрыманняў 24-25 студзеня гэтага года, зрабілі сваю справу — арганізм не вытрымаў і 4 жніўня яна пайшла з жыцця».
34-гадовы Цімур і 30-гадовы Тамаз Піпія — футбольныя заўзятары клуба «МТЗ-РІПА», абодвух затрымалі ў верасні 2020 года па падазрэнні ў арганізацыі масавых беспарадкаў 23 верасня, пасля таемнай інаўгурацыі Аляксандра Лукашэнкі.
Цімур адбывае тэрмін пакарання 6 гадоў 3 месяцы і 2 дні калоніі ўзмоцненага рэжыму ў Магілёўскай калоніі, Тамаз — 5 гадоў узмоцненага рэжыму ў Наваполацкай калоніі. У чэрвені гэтага года стала вядома, што Тамаз Піпія ўтрымліваецца ў памяшканні камернага тыпу.
Цяпер чытаюць
Мяжа Беларусі з Літвой будзе закрыта мінімум да серады11
Каментары