У Францыі арыштавалі ўльтралевага актывіста. Яго падазраюць у дыверсіях на чыгунцы
Тым часам, у панядзелак у некалькіх раёнах Францыі былі здзейснены новыя дыверсіі на оптавалакновых кабелях.
Улады арыштавалі актывіста ўльтралевага руху на аб'екце, які належыць чыгуначнай кампаніі SNCF; яго падазраюць у актах сабатажу, якія некалькі дзён таму паралізавалі працу сеткі, паведамляе Бі-бі-сі.
Мужчыну затрымалі ў нармандскім Уаселі на поўначы Францыі ў нядзелю, у яго былі ключы ад тэхнічных памяшканняў SNCF, інструменты і літаратура, звязаная з ультралевымі рухамі, паведамляюць крыніцы ў паліцыі.
Пакуль рана казаць, ці звязаны гэты чалавек з актамі сабатажу, якія паралізавалі французскую чыгуначную сетку ў мінулую пятніцу. Зараз гэты чалавек дапытваецца французскай паліцыяй.
Тым часам, у панядзелак у некалькіх раёнах Францыі былі здзейснены новыя дыверсіі на оптавалакновых кабелях.
Тэлекамунікацыйныя аб'екты, якія належаць французскай кампаніі SFR, падвергліся актам вандалізму ў ноч на панядзелак, паведамляе Le Parisien.
Па даных выдання, у розных раёнах Францыі былі перарэзаны кабелі ў электрычных шафах, што паўплывала на працу фіксаванай сувязі. На гэты момант невядома, ці ёсць сувязь паміж актамі вандалізму на аб'ектах тэлекамунікацый і дыверсіямі на чыгуначнай сетцы на мінулым тыдні.
Міністр унутраных спраў Францыі Жэральд Дарманен заявіў у панядзелак, што праваахоўныя органы «выявілі пэўную колькасць профіляў», якія маглі здзейсніць дыверсію ў ноч на пятніцу супраць чыгуначнай інфраструктуры.
«Гэта традыцыйныя метады ўльтралевых, і некаторыя людзі могуць быць звязаныя з гэтымі рухамі, але я пачакаю, пакуль не паступяць усе элементы расследавання», — сказаў міністр у эфіры тэлеканала France 2, кажучы пра акты сабатажу, якія адчувальна ўскладнілі рух транспарту перад цырымоніяй адкрыцця Алімпіяды.
У дзень адкрыцця Алімпіяды ў Парыжы 26 ліпеня Нацыянальная кампанія чыгунак Францыі (SNCF) паведаміла аб серыі падпалаў сістэм пуцявой сігналізацыі. Многія цягнікі былі затрыманыя ці адмененыя. Інцыдэнт закрануў каля 800 тысяч пасажыраў.
У панядзелак у міністэрстве транспарту паведамілі, што ўсе высакахуткасныя маршруты цягнікоў аднавілі працу ў нармальным рэжыме.
У дзень цырымоніі адкрыцця Алімпіяды ў Францыі адбыліся дыверсіі на чыгунцы
Пастаноўшчык цырымоніі адкрыцця Гульняў у Парыжы адказаў на крытыку
Тынейджарка з Японіі стала алімпійскай чэмпіёнкай у 14 год. Прычым у якой дысцыпліне!
Алімпійскага каментатара Eurosport адхілілі ад працы за сэксісцкае выказванне ў эфіры
Яшчэ адзін з запамінальных момантаў адкрыцця Алімпіяды: выкананне геніяльнай Imagine на ахопленым агнём раялі ВІДЭА
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс21
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары
Што ажаны, што губазікі ўсе літаратуру абавязкова знаходзяць ў затрыманых