Расія выкарыстоўвае для перавозу пяхоты гольф-кары і беларускія матацыклы. Ад гэтага страты растуць
Недахоп бронятэхнікі прымусіў расійскія войскі перасесці на квадрацыклы.
Як піша Forbes, адчуваючы цяжкасці з заменай знішчанай ці пашкоджанай бронетэхнікі, расійскі бок аснашчае ўсё больш сваіх падраздзяленняў грамадзянскімі машынамі, у тым ліку квадрацыкламі Desertcross 1000-3 кітайскай вытворчасці, а таксама кітайскімі і беларускімі матацыкламі.
Як заўважае выданне, супраць украінскіх войскаў, якія акапаліся і падтрымліваюцца артылерыяй і беспілотнікамі, у расіян на квадрацыклах і матацыклах няма ні адзінага шанца.
Выглядае на тое, што аснашчэнне квадрацыклаў і матацыклаў спецыяльнымі каркасамі для абароны ад дронаў не вельмі дапамагае. Гэта запавольвае прасоўванне тэхнікі, якая і так недастаткова магутная, што робіць яе больш уразлівай для іншай украінскай зброі.
OMG. Russian Desertcross with enormous anti drone cage. How do we call this Russian contraption? pic.twitter.com/eKmJqSOrxc
Так, 15 ліпеня ў раёне Купянска ўкраінскія войскі знішчылі па меншай меры пяць расійскіх гольф-караў, якія перавозілі пехацінцаў. І гэта тлумачыць, чаму растуць страты расійскага боку.
Па інфармацыі Міністэрства абароны Вялікабрытаніі, страты Расіі на вайне дасягнулі максімуму. Так у маі ў сярэднім у дзень было забіта ці паранена 1262 чалавекі, у чэрвені — 1163. Усяго з 1 мая па 30 чэрвеня расіяне страцілі больш за 70 тысяч чалавек.
Наколькі апраўданы абмен тысячы салдатаў у дзень на некалькі метраў прасоўвання — на гэта пытанне, як заўважае выданне, можа адказаць толькі Пуцін.
Арыштаваны дырэктар Палаца Рэспублікі, адзін з арганізатараў Марафона адзінства9
Каментары
Голословные какие то утверждения.