Беларускія і кітайскія вайскоўцы адпрацуюць бой у населеным пункце непадалёк ад мяжы з Польшчай
Вучэнні пачаліся на палігоне «Брэсцкі».
Фота: Мінабароны
Адкрыццё сумеснай трэніроўкі беларускіх і кітайскіх вайскоўцаў «Атакуючы Сокал» адбылося на палігоне «Брэсцкі».
У рамках антытэрарыстычных вучэнняў вайскоўцы абедзвюх краін адпрацуюць пытанні начнога дэсантавання, пераадолення водных перашкод, вядзення дзеянняў у населеным пункце, паведамляе Мінабароны.
Плануецца, што на асобных этапах трэніроўкі будуць задзейнічаныя зводныя падраздзяленні з беларускіх і кітайскіх вайскоўцаў.
Вучэнні пройдуць з 8 па 19 ліпеня. Сярод галоўных мэт — абмен вопытам і зладжванне беларускіх і кітайскіх падраздзяленняў.
Цяпер чытаюць
На Мінскім паўмарафоне памёр 50‑гадовы бягун. Вось што вядома пра Аляксея Дашыневіча13
Каментары