Орбан: Сітуацыя відавочная — Пуцін і Расія ўварваліся ва Украіну. Але Расію немагчыма перамагчы
Венгерскі прэм'ер распавёў пра перамовы з Зяленскім і Пуціным.
Віктар Орбан пасля паездак у Кіеў і Маскву распавёў, як адрэагавалі Уладзімір Зяленскі і Уладзімір Пуцін на ягоную прапанову аб заключэнні перамір'я.
Са слоў прэм'ера, абодва адмовіліся, піша Bild.
«Я задаў кіраўнікам абедзвюх дзяржаў і ўрадаў пытанне: ці ёсць магчымасць узгадніць абмежаванае па часе перамір'е, якое паскорыць перамовы аб міры? А ўжо затым ісці ад перамір'я. Бо цяпер усе думаюць наадварот. Спачатку заключыць мірнае пагадненне, а затым апусціць зброю.
Абодва не ўпэўненыя. І ўкраінцы, і расіяне адказалі адно і тое ж: што перамір'е ў інтарэсах праціўніка, бо за гэты час ён зможа перастроіцца і падрыхтавацца да працягу вайны», — заявіў Орбан.
Прэм'ер Венгрыі пры гэтым заявіў, што не хоча разбірацца ў прычынах вайны:
«Сітуацыя відавочная. Пуцін і Расія пачалі ўварванне ва Украіну. Але я не хачу вымяраць, хто за што адказны. Мая задача — засяродзіцца на тым, як дасягнуць міру».
Орбан лічыць, што ў наступныя два-тры месяцы да прэзідэнцкіх выбараў у ЗША сітуацыя на фронце значна пагоршае, будзе яшчэ больш ахвяр, паколькі бакі накіравалі на фронт яшчэ больш зброі.
«Тое, што будзе наперадзе, — значна горш, чым мы думаем. [..] Абодва бакі ўкладваюць у гэта вялікія намаганні. Нават украінцы сталі аптымістычнейшыя, бо атрымалі шмат якаснай зброі. [..]
Так што галоўны аргумент — гэта чалавечыя ахвяры. Гэта найважнейшая маральная матывацыя. Але разам з гэтым ёсць і інтарэсы Еўропы. Бо тое, што адбываецца, вельмі дрэнна для нас», — канстатаваў Орбан.
Пры гэтым ён мяркуе, што няма сцэнару, які прывядзе да паразы Расіі.
«У Пуціна ўсё проста: глядзіце на факты, крыніцы энэргіі, колькасць насельніцтва. Пуцін не можа прайграць, гэта вельмі лагічна. Калі глядзець на салдат, зброю і тэхналогіі, якія выкарыстоўваюць у вайне, то перамагчы Расію — такую думку цяжка нават уявіць.
Імавернасць таго, ці можна наогул перамагчы Расію, немагчыма пралічыць», — заявіў Орбан.
Венгерскі прэм'ер наведаў Кіеў, Маскву і Пекін. Акрамя таго, ён анансаваў візіт у ЗША. Гэта турнэ Віктар Орбан называе «міратворчай місіяй».
Зяленскі патлумачыў, чаму не пагадзіўся на прапанову Орбана аб спыненні агню
Орбан і Пуцін праводзяць сустрэчу ў Маскве
Орбан пасля Масквы прыляцеў у Азербайджан
«Тэлефоны праслухоўваюцца сур'ёзнымі хлопцамі». Орбан рыхтаваўся да сустрэчы з Пуціным таемна — як шпіён
Орбан прыляцеў у Пекін і сустрэўся з Сі Цзіньпінам
Орбан паведаміў, што з Пекіна накіроўваецца ў Вашынгтон
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары