«Мядзведзь асабіста збіраў?» У Беларусі знайшлі маліну па шалёнай цане
Людзі абмяркоўваюць, ці нармальна гэта.
На «залатую» па цане маліну звярнула ўвагу блогер у тыктоку. Дзе менавіта прадаецца маліна па 79,99 рубля за кілаграм, не паведамляецца. Але аўтар відэа мяркуе, што гэтыя ягады «сам мядзведзь ірваў і дастаўляў».
Відэа завірусілася — у яго за два дні амаль 700 тысяч праглядаў і больш за тысячу каментароў. Карыстальнікі вылучаюць разнастайныя тэорыі з нагоды такога цэнаўтварэння:
«Думаю, перавозілі маліну з лесу да гэтай крамы на самалёце тыпу «Руслан», і спецыяльна для гэтага ўзлётныя палосы пабудавалі. І ўсе выдаткі ўключылі ў кошт».
«Я аж папярхнулася. Рэальна, адкуль цана, яны каля аэрапорта збіралі і на таксі яндэкс везлі пры павышаных каэфіцыентах?»
«Яна была вырашчана на Месяцы і месяцовы мядзведзь з любоўю збіраў яе».
Папулярны каментар: «Такі кошт, каб жыццё малінай не здавалася». Іншыя радуюцца, што маліна расце ў іх на лецішчы бясплатна. Некаторыя дзеляцца цэнамі на дурніцы, якія таксама ўражваюць — кажуць, гэтую ягаду можна знайсці і па 100 рублёў за кіло.
Праўда, ёсць і іншае меркаванне. Так, адзін з каментатараў адзначае, што маліна сама па сабе важыць няшмат, таму кілаграм — гэта вельмі шмат ягад. Зрэшты, гэта меркаванне відавочна ў меншасці.
Цяпер чытаюць
У Мінску масажыст Андрэй таемна здымаў голых кліентак27
Каментары