«Заходзіў участковы, прасіў паказаць падпіскі». Яшчэ адзін прарасійскі актывіст заявіў, што яго пераследуюць за палітыку
Арцём Агафонаў кажа, што на яго напісалі данос.
Прарасійскі актывіст Арцём Агафонаў распавёў, што яго спрабуюць пераследаваць сілавікі.
У артыкуле на «Палітнавігатары» пра свайго аднадумца, сталініста Мікалая Петрушэнку, які трапіў на суткі за рэпост і ледзь не памёр з-за язвы, Агафонаў расказаў, што міліцыянты цікавіліся і яго персонай.
«Пісалі такі данос і на мяне, але тады праблем удалося пазбегнуць. Хоць і не скажу, што праблемы зніклі — у панядзелак заходзіў участковы, прасіў паказаць падпіскі ў тэлеграме, фатаграфаваў тэлефон, але ніякай крамолы не знайшоў. Гэта ўжо не супадзенне, а сістэма», — адзначыў Агафонаў.
Актывіст нагадаў, што за старыя рэпосты рэсурсаў, якія ў той момант яшчэ не былі прызнаныя «экстрэмісцкімі», не так даўно судзілі прарасійскую актывістку Эльвіру Мірсалімаву. Акрамя таго, чакае суда яшчэ адзін віцебскі актывіст Аляксандр Андрэйкаў.
Агафонаў вядомы як адзін з актыўных прыхільнікаў «рускага свету» ў Беларусі. У нулявыя ён быў актывістам АГП, аднак пасля анэксіі Крыма Расіяй і пачатку вайны на паўднёвым усходзе Украіны ён рэзка памяняў светапогляд і заняў бок Расіі.
Нядаўна Агафонаў уступіў у канфлікт з карэспандэнткай АНТ у Расіі Святланай Карульскай. Ён назваў супрацоўніцу тэлеканала «сістэмнай нацыяналісткай» і абвінаваціў яе ў «нянавісці да расійскіх жаўнераў». Карульская ў адказ звярнулася ў суд.
Працэс скончыўся мірным пагадненнем, але Агафонаў застаўся вінен амаль 4 тысячы рублёў адвакату Карульскай. Актывісту давялося прасіць дапамогі ў чытачоў.
Сталіністу Петрушэнку далі 10 сутак. На сёмыя суткі ў яго адкрылася прабадная язва
Пасля суда за экстрэмізм сталініст Петрушэнка канчаткова выдаліў усе свае інтэрнэт-запісы
Сталініст з Талачынскага раёна абурыўся практыкай, за якую ў Беларусі асудзілі тысячы чалавек
«Што ў нас адбываецца?» Прарасійская актывістка Мірсалімава зноў распавяла пра палітычныя затрыманні
Прарасійскі актывіст Агафонаў збірае грошы, каб расплаціцца з адвакатам карэспандэнткі АНТ
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м63
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1212
Каментары
І вы ў становішчы моцнага не надумайцеся пхаць носа такім чытам.