Са жніўня 2020 ў Беларусі здзейснена каля 19 тысяч «экстрэмісцкіх злачынстваў» — Следчы камітэт
Лічбу каля 19 тысяч «экстрэмісцкіх злачынстваў» пачынаючы са жніўня назваў старшыня Следчага камітэта Дзмітрый Гара на сустрэчы з работнікамі прадпрыемства «Граніт» у Мікашэвічах.
Падчас размовы Дзмітрый Гара адзначыў, што, маўляў, узровень злачыннасці ў краіне змяншаецца, меншае колькасць цяжкіх і асабліва цяжкіх гвалтоўных злачынстваў супраць чалавека. Але пры гэтым працягваецца праца па супрацьдзеянні «экстрэмізму».
Звяртаючыся да статыстыкі, ён адзначыў, што са жніўня 2020 года па ўсёй краіне здзейснена каля 19 тыс. «злачынстваў экстрэмісцкай накіраванасці». За мінулы год выяўлена каля 5,5 тыс. такіх «злачынстваў», у тым ліку мінулых гадоў.
Многія з «экстрэмістаў», паводле ягоных слоў, хаваюцца дагэтуль. Пры гэтым сярод іх і тыя, каго абвінавачваюць у «тэрарызме»:
«Расследуюцца крымінальныя справы, распачатыя ў дачыненні да асоб, якія рыхтуюцца здзейсніць тэрарыстычныя акты ў Беларусі і на тэрыторыі Расіі. Адназначна ўстаноўленыя факты, калі да нас у краіну з Украіны дастаўляліся выбуховыя рэчывы і зброя, якія складаліся ў хованках», — адзначыў Дзмітрый Гара.
Моцна дапякае следчым інтэрнэт:
«Узровень злачынстваў, якія здзяйсняюцца з дапамогай інтэрнэту з выкарыстаннем інфармацыйна-камунікацыйных тэхналогій, апошнія некалькі гадоў рос у геаметрычнай прагрэсіі. З усіх зарэгістраваных злачынстваў у краіне чвэрць прыпадала на кіберзлачынствы».
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»6
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары
То, что признали правозащитники, надо умножать на 10.