На Парахаўскіх могілках у Санкт-Пецярбургу з прыходам цяпла закіпела праца. Магіла заснавальніка ПВК «Вагнер» Яўгена Прыгожына схавалася пад тоўстым і пакуль яшчэ сырым пластом бетону.
Як мяркуе выданне «Фантанка», на месцы пахавання Прыгожына мае з'явіцца помнік ці нават манумент: занадта вялікая плошча заліўкі.
Якім ён будзе — пакуль загадка для шырокай грамадскасці. Верагодная дата адкрыцця — 1 чэрвеня. У гэты дзень заснавальніку ПВК «Вагнер» споўнілася б 63 гады.
Бізнэсджэт з Яўгенам Прыгожыным на борце і камандзірамі ПВК «Вагнер» разбіўся 23 жніўня ў Цвярской вобласці Расіі. Пахаванне бізнэсмэна прайшло таемна на Парахаўскіх могілках — на развітанні прысутнічалі толькі самыя блізкія, а прадстаўнікі СМІ да апошняга не ведалі, дзе пахаваюць заснавальніка «Вагнера».
У кастрычніку Уладзімір Пуцін заявіў, што ў целах загінулых былі знойдзеныя асколкі гранат.
Цяпер чытаюць
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»11
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1616
Каментары