Навошта браць на могілкі перад Радаўніцай ланцуг? Вось як дапаможа з застарэлай праблемай
Напярэдадні Радаўніцы беларусы наведваюць могілкі, каб там прыбрацца. Адным з важных заняткаў зʼяўляецца абнаўленне металічнай агароджы: часта неабходна выдаліць старую фарбу і надаць паверхні новы выгляд. Аказваецца, у гэтым можа дапамагчы звычайны ланцуг.
У сеціве паказалі просты, хуткі і эфектыўны спосаб ачысткі агароджы ад старой фарбы. Вам спатрэбіцца ланцуг і нічога болей. Гэты спосаб не патрабуе намаганняў і шмат часу, піша Telegraf.news.
Вось некалькі крокаў, якія дапамогуць выканаць задачу.
@mihal_kneize #пасха #радуница #лайфхак ♬ оригинальный звук - Хулия
Вазьміце звычайны ланцуг са звёнамі. Пераканайцеся, што ланцуг дастаткова трывалы, каб вытрымаць трэнне і нагрузку пры працы.
Абгарніце ланцуг вакол агароджы такім чынам, каб яна шчыльна прылягала да паверхні. Гэта дапаможа вам выдаліць старую фарбу больш эфектыўна.
Трымаючы канцы ланцуга, пачынайце цягнуць іх па чарзе. Трэнне ад звёнаў дапаможа выдаліць старую фарбу з паверхні.
Пасля выдалення старой фарбы пратрыце паверхню агароджы сухой анучай або пэндзлем, каб выдаліць рэшткі пылу і крошак.
Дарэчы, такі спосаб падыдзе і для ачысткі металічнага плота на прыдамавой тэрыторыі.
Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння21
Каментары