Улады Германіі распрацоўваюць антытэрарыстычны план на час правядзення Еўра-2024
Зараз сітуацыя значна больш небяспечная, чым падчас Чэмпіянату свету 2006 года, які таксама прайшоў у Германіі.
Тэрарыстычныя арганізацыі ісламскіх фундаменталістаў пагражаюць нападамі падчас чэмпіянату Еўропы па футболе, які пройдзе гэтым летам у Нямеччыне, піша Bild.
Федэральны міністр унутраных спраў Нэнсі Фезер ужо распарадзілася ўвесці памежны кантроль на межах Нямеччыны на ўвесь перыяд чэмпіянату з 14 чэрвеня па 14 ліпеня.
«Бяспека чэмпіянату Еўропы па футболе ў нашай краіне мае найвышэйшы прыярытэт. Паліцыя будзе мець вялікую прысутнасць на ўсіх пляцоўках, усюды, дзе шмат людзей», — сказала Фезер.
Спецпадраздзяленні SEK будуць знаходзіцца на кожным аб'екце Чэмпіянату Еўропы для таго, каб сілавікі маглі неадкладна ўмяшацца ў сітуацыю.
Паліцэйскім па ўсёй краіне ўведзена забарона на адпачынак падчас чэмпіянату.
Міністр унутраных спраў Славеніі Бошцян Паклукар у размове з Bild адзначыў, што «славенская паліцыя таксама возьме ўдзел у чэмпіянаце Еўропы па футболе».
«Існуе рызыка таго, што тэрарысты могуць трапіць у ЕС нелегальна. У гэтым кантэксце так званы балканскі міграцыйны маршрут працягвае ўяўляць сабой адну з самых вялікіх праблем», — сказаў ён.
Цяпер чытаюць
На «гульні Мацкевіча» не было Ціханоўскай, Латушкі, Ціханоўскага. Бабарыка і Калеснікава ад’язджалі, але вярнуліся7
На «гульні Мацкевіча» не было Ціханоўскай, Латушкі, Ціханоўскага. Бабарыка і Калеснікава ад’язджалі, але вярнуліся
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары