Віленская сустрэча з Уладзімірам Арловым усё ж адбудзецца, але ў іншым месцы
У тэлеграм-канале «Беларуская афіша» з'явілася паведамленне, што адмененая сустрэча з пісьменнікам Уладзімірам Арловым у Вільні ўсё ж адбудзецца, але ў іншым месцы.
Новае месца правядзення сустрэчы — Замак (Naujoji Riovonių g. 10). Змяніўся таксама і час — 22 сакавіка (пятніца) у 19:00.
Першапачаткова сустрэча павінна была адбыцца ў Цэнтры беларускай культуры і супольнасці ў Вільні, але была адмененая з-за таго, што «частка літоўскай супольнасці занепакоеная тым, што ў Вільню прыязджае «галоўны ідэолаг ліцвінізму». У сувязі з пагрозамі Цэнтр прыйшоў да высновы, што «мы не можам гарантаваць ні бяспекі Арлова, ні нашай».
Каментары