«Накіроўвала звароты ў Генпракуратуру і Саўмін». У Мінску за абразу Лукашэнкі асудзілі пенсіянерку
У судзе Ленінскага раёна Мінска 29 лютага завяршыўся разгляд крымінальнай справы Галы Аншук, якую абвінавацілі ў абразе Аляксандра Лукашэнкі (ч. 1 арт. 368 КК). Справу разглядала суддзя Юлія Шчоткіна, піша «Вясна».
Гала Аншук, у час з 5 мая 2022 года да 14 лютага 2023 года пяць разоў накіроўвала электронныя звароты на адрас Генеральнай пракуратуры і ў Савет міністраў, у якіх, на думку абвінавачання, дапускала негатыўную ацэнку Лукашэнкі, выяўленую ў непрыстойнай форме і якая па сваім змесце прыніжала ягоныя гонар і годнасць.
У судзе Гала Аншук патлумачыла, што «накіроўвала названыя звароты, бо хацела пракаментаваць выкананне Лукашэнкам сваіх паўнамоцтваў і абавязкаў як кіраўніка дзяржавы і не лічыць, што абразы насілі публічны характар, паколькі іх чытала абмежаваную колькасць супрацоўнікаў дзяржаўных органаў».
Пасля затрымання 5 лютага Галу змясцілі пад хатні арышт да суда. Але перад гэтым жанчыну накіравалі ў судова-псіхіятрычны экспертны стацыянар, які пастанавіў, што па сваім псіхічным стане яна мае патрэбу ў прымусовых мерах бяспекі і лячэння.
Тым не меней, суд прызначыў ёй пакаранне ў выглядзе абмежавання волі без накіравання ў папраўчую ўстанову адкрытага тыпу на тэрмін тры гады («хатняя хімія»).
Цяпер чытаюць
Былы беларускі ваяр суткі катаваў свайго сябра, а пасля забіў сябе18
Каментары
пастанавіў, што па сваім псіхічным стане яна мае патрэбу ў прымусовых
мерах бяспекі і лячэння.
Не хочаце яго псіхіку праверыць?