Аляксандр Лукашэнка прыняў запрашэнне мангольскага калегі Ухнаагійна Хурэлсуха наведаць Улан-Батар.
Цяпер у Манголіі з візітам знаходзіцца кіраўнік замежнапалітычнага ведамства краіны Сяргей Алейнік. У пятніцу ён сустрэўся з прэзідэнтам і міністрам замежных спраў Манголіі, піша «Спутнік».
«Мне хацелася б выказаць шчырую ўдзячнасць за тое, што Аляксандр Лукашэнка прыняў маё запрашэнне наведаць з дзяржаўным візітам нашу краіну», — заявіў Хурэлсух на сустрэчы.
У сваю чаргу міністр замежных спраў Манголіі Мунхійн Батцэцэг паведаміла, што для краіны важны візіт Лукашэнкі не толькі ў якасці кіраўніка дзяржавы, але і як асобы.
«Мангольскі народ бачыць у ім адважнага лідара і мудрага дзяржаўнага дзеяча, таму мы надаём гістарычны характар гэтаму візіту», — сказала яна.
Як заявіў Алейнік па выніках перамоў з мангольскай калегай, Беларусь і Манголія дамовіліся вывесці адносіны на больш высокі палітычны і эканамічны ўзровень.
Ва Улан-Батары ў гэтыя дні таксама знаходзяцца кіраўнікі Міністэрства прамысловасці, харчавання і сельскай гаспадаркі, а таксама прамысловых прадпрыемстваў, прадстаўнікі Міністэрства па надзвычайных сітуацыях і іншых беларускіх арганізацый.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1414
Каментары