Напярэдадні 8 сакавіка на платформе Vodblisk з’явіўся фільм рэжысёркі Лены Ле «Чатыры колы далей ад цэнтра» аб моцнай жанчыне і загадкавай мінскай мастачцы. Стужка ўдзельнічала ў Беларускім конкурсе кінафэсту «Паўночнае ззянне — 2023» і стала адной з пераможцаў галасавання гледачоў, а цяпер даступная для прагляду любому ахвотнаму ў анлайн-кінатэатры Vodblisk, піша Budzma.org.
«Чатыры колы далей ад цэнтра» — дакументальны партрэт мінскай мастачкі Марыны Капілавай. Гэта стужка пра свабоду ў свеце, які ты для сябе ствараеш сам.
Чацвёра, якія асабіста ведаюць Марыну, расказваюць гісторыі, звязаныя з жыццём жанчыны. Паралельна з гэтымі аповедамі сама мастачка паўстае ў кадры, і вельмі шчыра (нібы на споведзі) расказвае пра сябе і свой светапогляд. Фільм рэжысёркі Лены Ле дае магчымасць з аскепкаў меркаванняў сабраць сваё, цэлае. Паступова, з кожным новым кругам, успрыманне асобы гераіні становіцца больш насычаным і шчыльным.
З’яўляючыся ў кадры, Марына фехтуе, працуе над сваімі скульптурамі і нават вучыць хадзіць па столі, а паміж гэтым вельмі шмат разважае пра рознае: пра халодную зброю і высакароднасць, абарону іншых людзей, існаванне ў грамадстве, калі ты непадобны на іншых, пра каханне і жыццё ў адной прасторы.
У адным з такіх маналогаў гераіня закранае тэму, якая сёння асабліва актуальная: «Калісьці я кідалася абараняць сваіх сябровак, хаця вельмі баялася тых, ад каго я іх абараняю. Маленькія брыдкія хуліганы ці буйныя хуліганы, ці проста якія-небудзь. Я кагосьці праводзіла, а потым ішла дадому адна і мне было вельмі страшна: і праводзіць, і ісці дадому. Я дэманстравала гераічныя паводзіны, зусім не будучы героем».
Сіла гэтага фільма ў тым, што ён не толькі расказвае пра асобу Марыны, але і дазваляе разам з сабой проста падумаць пра жыццё ў розных яе праявах.
Для гледачоў з Беларусі доступ да фільма «Чатыры колы далей ад цэнтра» бясплатны. Для тых, хто знаходзіцца за мяжой, доступ на 30 дзён будзе каштаваць 5$.
Цяпер чытаюць
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам15
«Я ўжо думаю, як там нам на гэтым сонцы пастаяць». Лукашэнка падзяліўся з Пуціным страхам перад заўтрашнім парадам
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары