Расійскі беспілотнік сачыў за паездкай нямецкай міністаркі па Украіне
Міністарка замежны спраў ФРГ Аналена Бербак прыехала на поўдзень Украіны. Карэспандэнтка BILD расказала пра абставіны візіту, якія давялося раптоўна мяняць з мэтаў бяспекі.
Як піша карэспандэнтка Надзя Асвад, калона аўтамабіляў з кіраўніком МЗС Германіі пасля наведвання ёй Мікалаева выехала ў бок Чорнага мора, каб наведаць там апрасняльную станцыю. Яна знаходзіцца за 50 км ад лініі фронту. У самым пачатку вайны Расія знішчыла водаправодныя збудаванні Мікалаева, з-за чаго горад сутыкнуўся з недахопам пітной вады.
На шляху да станцыі да калоны машын наблізіўся расійскі разведвальны беспілотнік. Звычайна за яго з'яўленнем ідзе атака з паветра. Ва ўкраінскіх членаў дэлегацыі спрацаваў трывожны сігнал на смартфоне, кіроўцы сталі спрабаваць адарвацца ад дрона. Але ён ляцеў за калонай, пераследуючы іх.
У выніку ім удалося адарвацца, робат паляцеў прэч. Але візіт на станцыю адмянілі. «Наведванне гідратэхнічных збудаванняў прыйшлося датэрмінова адмяніць па меркаваннях бяспекі», — паведамілі ў МЗС Германіі.
Цяпер чытаюць
Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця28
Каментары