У найбліжэйшы час мясцовыя ўлады вырашаць, што рабіць з пабудовай.
На поўначы Нямеччыны ў выніку шматдзённых праліўных дажджоў размыла глебу, з-за чаго бункер, пабудаваны яшчэ для Узброеных сіл ГДР на беразе Балтыйскага мора, пачаў зрушвацца ў ваду.
Як піша Bild, стары вайсковы бункер быў славутасцю вёскі Арэнсхоп у зямлі Мекленбург — Пярэдняя Памеранія. У апошнія гады тысячы турыстаў прыязджалі паглядзець на помнік халоднай вайны.
Мэр Арэнсхопа Беньямін Хайнке першым паведаміў пра разбурэнне бункера ў сацсетках. «У найбліжэйшы час мы абмяркуем з уладай, ці трэба і якім чынам вырашаць праблему бункернага комплексу, які цяпер знаходзіцца на пляжы», — сказаў палітык.
Гэты бункер быў часткай значна больш буйнога вайсковага аб'екта, пабудаванага ў 1957 годзе. У той час на ўзбярэжжы паміж вёскамі Вустраў і Арэнсхоп для назірання базавалася падраздзяленне Нацыянальнай народнай арміі ГДР. У яго абавязкі ўваходзіла папярэджанне аб набліжэнні да ГДР варожых войскаў па моры.
У 1990 годзе бункер выкарыстоўваць перасталі. Тады ж марскія воды ўшчыльную наблізілася да бункера. Спецыялісты адзначылі, што 100 гадоў таму берагавая лінія ў гэтым месцы была на 70 метраў далей.
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары