У Беларусі прадаюць новыя мінівэны «Лада». Але вам наўрад ці захочацца плаціць за іх амаль 30 тысяч даляраў
У продажы можна адшукаць адразу дзве мадэлі мінівэнаў ад расійскага аўтавытворцы.
Гэта Lada Granta Kub і Niva KUB NN. Цэны на іх у Мінску складаюць $27 885 і $28 195 адпаведна.
Абедзве мадэлі выпускае прадпрыемства «Прамысловыя тэхналогіі», якое займаецца выпускам фургонаў і груза-пасажырскіх версій на базе мадэляў Lada.
Каб зрабіць са звычайнай «Гранты» васьмімесны мінівэн, інжынерам давялося амаль на паўтара метра павялічыць колавую базу і ўсталяваць пнеўматычную падвеску на тыльную вось.
Мінівэны сумеснай вытворчасці ад Lada і «Прамысловых тэхналогій» ёсць ў трох варыяцыях: пасажырскія на 8 месцаў, груза-пасажырскія на 5 месцаў і цалкам грузавыя.
За спрэчную знешнасць адразу пасля анонсу навінак каментатары ў інтэрнэце пачалі параўноваць гэтыя машыны з катафалкамі. Выглядае, што яны не прагадалі. Сярод спецверсій прапануюць рытуальны аўтамабіль на базе Lada Niva Kub і Lada Granta Kub.
Niva KUB пабудавана на базе 4-дзвернай Niva. Колавую базу павялічылі на 35 сантыметраў, а даўжыня мінівэна павялічылася на 66 сантыметраў.
Чытайце таксама:
Размытненыя па льгоце аўто нельга будзе прадаваць у Расію. Што зменіцца ў законе і як гэта адаб'ецца на Беларусі?
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары